Aqmola oblysynyń Esil aýdandyq sotynyń tergeý sýdıasy Esil aýdanynyń ishki ister bólimi tergeýshisiniń Qazaqstan Respýblıkasy Qylmystyq kodeksiniń 120-baby 3-shi bóliginiń 3-tarmaǵyna sáıkes qylmys jasaǵany úshin aıyptalýshylarǵa qamaqqa alý túrindegi sanksıa berý týraly ótinishin qarady. Bul týraly «Qamshy» portaly «QazAqparatqa» silteme jasaıdy.

Sot prosesi barysyndaǵy tergeý jumystarynda anyqtalǵandaı,  Esil aýdandyq ishki ister bólimi kámeletke tolmaǵan  qyzǵa  kúsh kórsetý arqyly zorlaý faktisi boıynsha qylmystyq is qozǵaǵan jáne atalǵan qylmys boıynsha kúdikti retinde eki azamatty ustaǵan.

Aldyn ala tergeý organdary kúdikti retinde ustalǵandarǵa asa aýyr qylmys jasady degen aıyptaýdy usynylyp, ol úshin zańda keminde 10 jyl merzimge bas bostandyǵynan aıyrý jazasy qaralǵan. Aıyptalýshylardyń ekeýi de otbasyn qurǵan azamattar. Biriniń kámelettik jasqa tolmaǵan eki balasy bar bolsa, endi biri buryn sottalǵan.

Nurzat Toǵjan