«Astana EKSPO-2017″ ulttyq kompanıasynyń eks-basshysy Talǵat Ermegıaevtiń jeke  kólik júrgizýshisi Saıat Nadirbaevty tártip saqshylary kúshtep, basshysyna qarsy kýálik etýge májbúrlegen. Bul týraly  NUR.kz habarlaıdy.

Saıttyń  jazýynsha, júrgizýshiniń jaqyndary Nádirbaevty konspıratıvti páterde bes kún boıy kúshtep ustaǵanyn aıtqan.

4 tamyzda Saıat Nádirbaevqa Almaty áýejaıynda belgisiz bireýler “Astana-EKSPO-2017″ kompanıasyndaǵy jemqorlyqtarǵa qatysty kýágerlik túsinikteme berýin talap etken. Er kisi Astanada is boıynsha túsinikteme berýge kelisimin bergesin 5 kún boıy habarsyz ketken.

«Ony bir páterde bes kún qamaýda ustap, psıhologıalyq qysym kórsetken. Balalarynyń fotosyn kórsetip, qoqan-loqy jasaǵan. Bolmaǵan jaıttar úshin kýálik etip, belgisiz qujattarǵa qol qoıýǵa májbúrlegen», – deıdi Nádirbaevtyń qaıyn ápkesi Aınur Suranshıeva.

Júrgizýshiniń jaqyndary onyń ómirine qaýip tóngesin, Saıat túnde úıden belgisiz baǵytqa habarsyz ketkenin aıtýda.

Ony estigen tergeýshiler úıin tintip, túk tappaǵan. Aqyry Saıattyń áıelin suraqtyń astyna alý úshin ertip áketken.

«Ony tergeýge alǵan. Tergeý kezinde áıel jaýaptaryn ózgertip jibergenine shaǵym túsirdi. Prokýratýra bul isti tirkep, sotaldy tergeý jumystaryn bastady”, – deıdi qorǵaýshysy Aıman Ýmarova.

Eske salsaq, «Astana-EKSPO-2017″ eks-basshysy Talǵat Ermegıaev búginde úıqamaqqa alynǵan. Ol 4 mlrd teńge jymqyrdy dep kúdiktelýde.