Almaty oblystyq İshki ister departamenti kóshi-qon zańnamasyn buzǵan azamattardan 25 399 730 teńge kóleminde aıyppul óndirilgenin málimdedi. Bul týraly «Qamshy» portaly «QazAqparatqa» silteme jasaı otyryp habarlaıdy.
Málim bolǵandaı, 2015 jyldyń basynan beri 130 000-nan astam shetel azamattary Almaty oblysy aýmaǵyna ótken. Onyń 19 680-i alys shetelderden kelgender retinde kórsetilgen
Kóshi-qon polısıasy uıymdastyrǵan reıdtik sharalar barysynda Qazaqstan zańnamasyn buzǵan 5 615 sheteldik ákimshilik jazaǵa tartylǵan. Olardyń ishinde 400-i ózimizdiń otandastarymyz ekeni anyqtalǵan.
Málimetter boıynsha, anyqtalǵan zańbuzýshylyqtar boıynsha óńir polıseıleri memleket paıdasyna 25 399 730 teńge kóleminde aıyppul óndirgen. 403 sheteldik buzýshylyqty qaıtalap jasaǵany úshin Qazaqstan shekarasynan shyǵarylǵan jáne 1484-ine ákimshilik tutqynǵa alý jazasy qoldanylǵan.
