Ýkraına Reseıdiń Qyrymdy aneksıalaýyn jáne eldiń shyǵysyndaǵy qaqtyǵysqa qatysyn halyqaralyq qylmystyq sottyń tekserýine kelisim berdi. Bul týraly «Qamshy» portaly «Azattyqqa» silteme jasaı otyryp habarlaıdy.
Ýkraına syrtqy ister mınıstri Pavel Klımkınniń resmı málimdemesinde halyqaralyq sottyń 2014 jyldyq aqpanynan bergi oqıǵalarǵa qatysty «tergeý júrgizýge jáne qylmys jasaǵandarǵa jaza kesýge» múmkindigi bar ekeni aıtylǵan.
Alaıda halyqaralyq qylmystyq sot tekserý birden bastalmaıtynyn aıtty. Buǵan deıin Kıev halyqaralyq qylmystyq sotqa 2013 jyldyń qarashasy men 2014 jyldyń aqpany aralyǵynda elde bolǵan jappaı tolqýdy tekserýge de ruqsat bergen.
BUU málimdeýinshe, Ýkraınanyń shyǵysyndaǵy qaqtyǵystan 7900-ge jýyq adam qaza tapqan.
