Asaý attaı baǵa týlap sharyqtap,
Qol jetpeıdi,
Aspanda tur qalyqtap.
Kúnnen-kúnge peıilimiz tarylyp,
Baı-kedeı bop,
Tústi ortaǵa jaryqshaq.

«Kiremin» – dep,
Eýro odaqqa kirdi de,
Tastady ǵoı kiriptar ǵyp bizdi de.
Quqaıy azdaı «VTO»-ǵa engen soń,
Opat etti,
Moınymyzdy úzdi de.

Bolashaǵyn satyp eldiń qytaıǵa,
Qaryz alyp, basymyzdan attaı ma?
Saqtaý úshin shybyn janyn,
Áýletin
Amanatqa qazaq ultyn tastaı ma?..

«Kerek» – dedi, «atomdardyń qaldyǵy»,
Qaı jerde bar, sonyń maǵan barlyǵy».
Semeı jetpeı,
Radıasıa kórine
Jalǵyz ketpeı eldi súırep barady.

Osy bári jetpeı bizdi qyrýǵa,
Juqpaly dert yńtaılysy «urýǵa»...
Aldyrtqany bakterıa qarýyn,
«Ońdy» boldy, ses kórsetip turýǵa.

Geptıl ýyn zárýindeı suratyp,
Jatyr áne, kıikterdi sulatyp.
Keler kezek – qazaqtiki,
Sol úshin
Raketasyn jatyr Reseı qulatyp...

Qalyspaıdy qytaıdaǵy alyptar,
«Salamyz» – dep «hımıalyq zaýyttar».
Qumyrysqadaı qaptamaqshy elime,
Mine osy,
Kútip turǵan qaýyptar.

Shydamady,
Aqyn jany,
Jylady,
Táńirinen meıirimin surady.
Tótep bermeı qaıran júrek bárine,
Syr berdi de,
Aqyn sodan qulady.

Qýanysh MUQTAI
08.09.15 jyl