NASA-nyń besinshi roveri Qyzyl ǵalamsharǵa qonýǵa bir kún qaldy. Agenttiktiń Ońtústik Kalıfornıadaǵy reaktıvti qozǵalys zerthanasynyń ınjenerleri ǵarysh kemesiniń saý ekenin jáne 18 aqpan kúni saǵat 15.55 shamasynda Marstyń Djezero kraterine qonatynyn rastady (Almaty ýaqyty 2:55, 19 aqpan). 

"NASA-nyń bul retki mısıasy Marsta buryn-sońdy tirshilik bolǵan-bolmaǵanyn bilýge ​​baǵyttalǵan. Bul suraqqa jaýap berý úshin desant komandasy Djezero kraterine deıin barady. Bul Marstaǵy qonýǵa eń qıyn jer" dedi Vashıngtonda ornalasqan NASA-nyń shtab-páterindegi Ǵylymı mısıa dıreksıasynyń basqarýshysy Tomas Sýrbýchen.

Ǵalymdar Djezero kraterinde ejelgi kól bolǵan dep senedi. Zertteýshilerdiń aıtýynsha, ol mańda mıllıardtaǵan jyldar buryn tirshilik bolǵan bolýy múmkin.

Mamandardyń aqparatyna sáıkes, Qyzyl ǵalamsharǵa qoný óte qıyn, sebebi Marsqa qoný mısıalarynyń shamamen 50%-y ǵana sátti bolǵan. Al, Djezero krateriniń geologıalyq erekshelikteri qonýdy odan saıyn qıyndatady.

Mısıa ǵarysh apparattaryna qoný alańyn dál baǵyttaýǵa jáne qaýip-qaterdi avtonomdy túrde boldyrmaýǵa múmkindik beretin jańa tehnologıalardy qoldana otyryp, burynǵy soqqylardan sabaq aldy.

"Tabandylyq dep atalatyn mısıa toby Djezero kraterine qonýǵa qajetti kúrdeli horeografıaǵa sońǵy núktelerdi qoıyp jatyr. Marsqa qonýǵa kepildik berilmeıdi, biraq biz on jyl boıy osy roverdiń dóńgelekterin Marstyń betine qona alatyndaı, jumysqa kirise alatyndaı etip daıyndadyq" dedi mısıa boıynsha joba menedjeriniń orynbasary Djennıfer Trosper.

NASA-nyń Marsqa qoný barysyn kórsetken anımasıa: