Qostanaı oblysynyń ákimi Nuraly Sadýaqasov qazaq tilin úırenýge ýádesin berdi. Beısenbi kúni Astanada ótken baspasóz-konferensıasynda sheneýnikke oblystyń tek áleýmettik-ekonomıkalyq jetistikteri jóninde ǵan emes, odan ózge de  suraqtarǵa  jaýap berýge týra keldi, dep habarlaıdy   NewTimes.kz saıty.

Jýrnalısiń ákimge: "qashan qazaq tilin úırenesiz" dep qoıǵan suraǵyna Sadýaqasov bylaı dep jaýap berdi: "Men oryssha-qazaqsha aralas mektepte oqyǵanmyn. Instıtýtty orys tilinde bitirip shyqtym. Ózim buryn jumys jasaǵan aýdandarda  tek orys tilinde qatynasýǵa týra keldi. Maǵan ýaqyt berińizder".

Aýdan basshysy qazirgi ýaqytta Qostanaı oblysynda qazaq ultynyń úlesi  38 paıyzǵa jetkendigi jóninde aıtty. Budan aldyńǵy jyldary ondaǵy qazaqtardyń  úlesi tek 19 paıyzdy alǵan. Baspasóz-konferensıasy barysynda ákimge bas-aıaǵy 30-ǵa jýyq suraq qoıyldy. BAQ ókilderin qazirgi tańdaǵy Qostanaı oblysynyń joldary, ınvestorlyq jobalardyń iske asýy, mektep, balabaqsha jaǵdaıy, halyqqa meken-jaı boıynsha qyzmet kórsetý máseleleri jóninde málimet aldy. Sonymen qatar, Nuraly Sadýaqasov jeke ózi blokqa jaýap beredi me, azamattardyń aryzdaryn tyńdaý úshin qabyldaıdy ma, Qostanaıda halyqqa eńbegi sińgen qaıratkerlerge eskertkish salý jolǵa qoıylǵan b?- degen saýaldar qoıyldy.

Nuraly Sadýaqasov Qostanaı ákimi bolyp 2013 jyly 20 qańtarda Sergeı Kýlagınniń ornyna bekitilgen.