19 jeltoqsan kúni keshke jaqyn Máskeýdegi Kýtýzov dańǵylynda jol apaty oryn aldy. Tórt avtokóliktiń soqtyǵysýy saldarynan Daǵystannyń vıse-premeri, belgili reseılik qoǵam jáne memleket qaıratkeri Gadjı Mahachev qaıtys bolǵan. Bul týraly tengrinews.kz saıty habarlady. Odan ózge jol apatynda taǵy eki adam kóz jumdy. Onda bolǵan balalar men basqa adamdar jaraqattar alǵan. Joǵary qyzmettegi qaıratkerdiń qaıǵyly qazasy týraly habardy reseılik BAQ quraldary quqyq qorǵaý mekemelerine silteme jasaı otyryp bergen bolatyn. Keıinnen, bul aqparattyń senimdiligin máskeýlik polısıa qyzmetiniń ókilderi rastady. Jol apatynda vıse-premerdiń áıeli men balalary da zardap shekkeni belgili boldy. Aýyr jaraqattar alǵan olarǵa jedel járdem qyzmeti kórsetilgen. Qazirgi ýaqytta oqıǵanyń sebepteri anyqtalýda. Máskeýdiń RIA NOVOSTI memlekettik avtoınspeksıasynyń baspasóz qyzmeti apatqa kináli Mercedes GL kóligi degendi alǵa tartyp otyr. Rólde Mahachevtyń ózi bolǵan bolýy múmkin degen boljam bar. Osy aralyqta apatqa kýá bolǵandar janyp jatqan avtokolikti taspaǵa jazyp, youtobe-qa salyp úlgergen. Gadjı Mahachev 1951 jyly 19 naýryzda Hasavúrtada týylǵan. Ol "Edınaıa Rossıa" partıasynyń múshesi jáne eki ret Gosdýmanyń depýtaty bolyp saılanǵan. Óz ómirine birneshe ret qaýip tóngen (1992, 2003, 2006 jyldar). qamshy.kz