Vesti.kz sport portalynyń habarlaýynsha, Qazaqstandyq bokser Qanat Islam domınıkandyq Bazılıo Sılvany nokaýtqa jiberip,  kásibı rıngte qatarynan 16 ret jeńiske ústem boldy.

Judyryqtasý Domınıkan respýblıkasynda ótken bolatyn. Bizdiń  boksshy urys bastalǵannan-aq basymdylyq kórsetti. Tórtinshi raýndta Qanattyń qarsylasy nokdaýnǵa tússe, altynshysynda referler tehnıkalyq nokaýtty aıqyndady.

Qanat 1984 jyly 13 qyrkúıekte Qytaıdyń Sınszán-Uıǵyr  avtonomıalyq aımaǵynda dúnıege kelgen. 2010 jyly ol Qazaqstanǵa turǵylyqty ornalasqan. Keıbir  málimetterge qaraǵanda, búginde ol otbasymen Almaty oblysynyń Qarasaı aýdanynda  turady.

 Kásibı boksqa 2012 jyldyń qyrkúıeginen bastap aralasqan. Qazirgi ýaqytta  Amerıkanyń Florıda shtatynda  Pahokee bazasynyń negizinde jattyǵyp júr.Birinshi orta salmaqta judyryqtasady. Kásibı boksta eshqashan jeńilip kórmegen. 16 urystyń 14-in nokaýtpen aıaqtap otyr.

Esterińizge sala ketsek, Qanat Islam 29 qarasha kúni kolýmbıalyq Emılıo Hýlıony nokaýtqa túsirgen bolatyn.

qamshy.kz