Bul týraly Mańǵystaý oblysy kásipkerler Palatasynyń dırektory Jańbyrbaı Dospaev QR Prezıdenti janyndaǵy Ortalyq Komýnıkasıalar Qyzmeti Mańǵystaý fılıalynda ótken brıfıńte habarlady. Bul týraly «Qamshy» portaly habarlaıdy.
“Osy jyldyń 8 aıy ishinde jalpy quny 309,8 mlrd. teńge bolatyn jergilikti sıpatta damytý boıynsha áriptestik týraly 108 memarandýmǵa qol qoıyldy. Atalmysh memarandýmdar aıasynda jalpy quny 287,2 mlrd. teńge bolatyn 315 kelisimshart jasalyndy. Bul memarandýmdar qunynyń 92,7 % quraıdy”, - dep baıandaıdy Jańbyrbaı Dospaev.
Onyń baıandaýynsha, aımaqtyq kásipkerler palatasynyń bastamasy boıynsha kásibı daıyndyǵy bar kadrlardy daıyndaý salasynda áriptestiktiń úsh jaqty kelisimshartyna qol qoıyldy.
“Búgingi tańda Mańǵystaý oblysynyń 14 koleji men 26 kásiporny arasynda 15 mamandyq boıynsha kásibı daıyndyǵy bar kadrlardy daıyndaý salasynda áriptestiktiń úsh jaqty kelisimshartyna qol qoıyldy. “Kásiporyn-kolledj-stýdenttiń” qatysýyn qarastyratyn kelisimshartqa 402 oqýshy qol qoıdy. Munaı óndirisi salasy mamandyqtary boıynsha “Aqtaý Munaı Elektrondyq Kompanıasy” JSHS men 3 kolej arasynda áriptestik jóninde memarandýmdar, orta arnaıy bilim berý mekemelerin qamqorlyqqa alý jónindegi 2 kelisimshart jasalyndy. “Marın Bolashaq” JSHS jáne “Bereket-F” JSHS iri kásiporyndary janynda kadrlardyń biliktiligin arttyrý boıynsha oqý ortalyqtary quryldy. Budan basqa, QR Úkimetiniń 2014 jylǵy 15 qazanyndaǵy Qaýlysymen bekitilgen eki jaqty bilim berýdiń Jol kartasyna 6 sala boıynsha kadrlar daıarlaýdy júzege asyratyn oblystyń 10 koleji endi”, - dep atap kórsetti Jańbyrbaı Dospaev.
Sonymen qatar, ol “Bıznes-mektep” jobasy aıasyndaǵy “Bıznes-Keńesshi” jobasy boıynsha bıznes-jattyqtyrýshylarymen tyńdaýshylardyń 22 toby bilim alǵanyn habarlady. Osylaısha, 624 adam belgilengen úlgidegi sertıfıkat aldy, onyń 380-i aýyl turǵyndary. Bilim alǵandar sanynyń 534 adamy óz isin ashýdy josparlaýda.
