Almaty qalasynyń ákimi Baqytjan Saǵyntaev ushaq apatynan qaıtys bolǵandardyń týystaryna kóńil aıtyp, zardap shekkenderge barlyq qajetti medısınalyq kómek kórsetilip jatqanyn jetkizdi.
Qala ákimi Twitter-akkaýntynda jaǵdaıdy baqylaýda ustap otyrǵanyn habarlady.
– AN-26 áskerı ushaǵy qulaǵan jerge bardym. Tıisti qyzmet ókilderine bolǵan oqıǵanyń saldaryn joıýdy tapsyrdym. Qaza bolǵandardyń týystary men jaqyndaryna kóńil aıtamyn. Zardap shekkenderge barlyq qajetti medısınalyq kómek kórsetilýde, – dedi Saǵyntaev.
Búgin UQK Shekara áskerlerine tıesili AN-26 ushaǵy Almaty qalasy áýejaıynyń janyndaǵy Qyzyl Tý kentiniń mańyna qulap, 4 adam qaza tapqan.
Pikir qaldyrý