20  jeltoqsan kúni saǵat 19:00-de Respýblıka saraıynda ótken: "Juldyzdar otbasy" jýrnalynyń "Jyl áni-2013 " konserti dál ýaqytynda bastaldy. Qazaqtyń toıy keshigýshi edi, biraq bul jolǵy "Juldyzdar otbasy"  jýrnalynyń 10 jyldyq mereıtoıy men "Ańyz adam" jýrnaldarynyń oqyrmandaryna oınatylǵan «20 jylqy+2 túıe» jáne AVTOKÓLİK tabystalatyn keshke halyq lyq toldy.

Konsert bastalarda toı ıesi tabylmaı qalǵandyqtan, keshti  belgili teatr synshysy Áshirbek Syǵaı alǵysóz aıtyp, bastap berdi: "Juldyzdar otbasy jýrnalyna úlken sáttilikter tileımin. Onyń qyzmetkerlerine osynsha kisini jınaý  ońaıǵa túspegen bolar, jańa kórdińizder, basshysy tabylmaı jatyr. Kisini kútý qashan da qıyn. Ámanda jaqsylyqta kezdeseıik. Toılaryńyz qutty bolsyn! Barlyǵyńyzǵa densaýlyq, tabys tileımin!", - degen Áshirbek aǵamyz  eń alǵashqy jylqynyń ıegerin atady.

Mereıtoıǵa keledi dep josparlanǵan ánshilerdiń  90 %  óner kórsetti. Onyń ishinde kelý -kelmeýi kúmándi eki birdeı súıikti ánshimiz: Maqpal Júnisova men Qaırat Nurtas ta sahnadan tabyldy. Kórermenniń ystyq yqylasyna bólengen Maqpal apamyz eki ánin oryndady. Ol jýrnal qyzmetkerleriniń qalamy muqalmaı, ánshilerdiń syrlasy bolyp qala berýin tilep, bylaı dedi: "Bizdi osylaı konsertke shaqyryp, shyǵaryp turǵandaryna kóp-kóp rahmet aıtamyn. Basqa arnalar endi... Aıtyp kete bereıin,  otyz birinshi arnany qarańyzdar, basqa arnalardan meni kórmeısizder..." dep, "Adamdar meni keshirińder" atty ánin aıtyp, halyqqa kókiregindegi sherin bir tarqatyp aldy.

Al Qaırat Nurtasty sahnaǵa shaqyrǵan kesh júrgizýshisi Oljas Sydyqbaevpen birge halyq 2 mınýt ýaqyt onyń shyǵýyn kútti. Qaırat bir ǵana ánin aıtyp: "Qaıran Shymkentim-aý" dep jylqyny utqan OQO oqyrmanynyń atyn atady.

Konserttiń ortasynda keshtiń uıymastyrýshysy Jarylqap Qalybaı  bul toıdyń  Respýblıka saraıy basshylarymen óte qıyn bastalǵandyǵy jóninde aıtyp, kesh shyqqanyna keshirim surady. Ol tek jýrnal oqyrmandaryn ǵana emes, qoǵam qaıratkerleri men estrada juldyzdaryna da  syı-syıapat kórsetti. Sonyń ishinde "HHİ ǵasyrdyń "Oıan qazaǵy" dep atalǵan Asylzat Arystanbektiń poezıasyna joǵary baǵa berip,  Respýblıkalyq sport kolejiniń basshysy Amalbek Tshanovtyń jastar sportyna qosqan úlesin erekshe atap ótti. Sonymen qatar, "Qazaqfılmniń" basshysy Ermek Amanshaevtyń da eńbegi eskerildi.  

Jarylqap Qalybaı: ""Adam ata- Haýa ana" gazetiniń shyqqanyna on úsh jyl boldy. Arasynda oqyrmanǵa júlde  uıymdastyryp júrmiz. Eń alǵashqy júldeni tek bir ǵana kompúterden bastaǵanmyn. Sol kompúter kelesi jyly eki kompúter boldy, úsh, sodan  tórt kompúter boldy. Odan óse kele, mine, búgin avtokólikke de jettik. Budan keıin aeroplanǵa jete bereıik. Osydan on jyl buryn alǵashqy kompúterdi oınatqan kezde Qaraǵandy oblysy Balqash aýdanynda bir múgedek bala bar eken. Bir jerden qulap,  qoly bir aıaǵy istemeı úıinde jatyp oqıdy eken. Kompúterdiń endi-endi  shyǵyp jatqan kezi bolatyn, sol bala: " Osy "Juldyzdar otbasynyń" kompúterin men utyp alsam eken..." dep armandaǵan eken. Qudaıdyń qudireti,  utys týra sol balaǵa tústi. Meniń aıtaıyn degenim, myna bizdiń jıyrma jylqy, eki túıe jáne avtomobılimiz shalqyǵan baı emes, áleýmettik jaǵynan jaǵdaıy qıyn otbasylarǵa tússe eken dep tileımin".

Avtomobıldi Balken Tursynbaeva atty oqyrman ıelendi. Utys : Mańǵystaý, Atyraý, Shyǵys Qazaqstan, Almaty , Aqtóbe, Ońtústik Qazaqstan oblystarynda turatyn oqyrmandarǵa buıyrdy.  

 qamshy.kz