Astanada úshinshi ret «Halyq súıiktisi -2013» premıasymen marapattaý saltanaty bolyp ótti. Kóptegen atalymdar qatarynda saıasatker, estrada juldyzy, sheneýnik, jýrnalıs, bloger, bıznesmen, qoǵam qaıratkeri, saıasattanýshy jáne sportshylardyń úzdikteri tańdaldy. Barlyǵy 14 atalym boıynsha 367 úmitker baq synady.

Úzdik sportshy, dálirek aıtsaq, «Respekt-sportshy» atalymynda Qazaqstandyq jas shahmatshy Jansaıa Ábdimálik jeńimpaz atandy. Dıplom men dástúrli «halyq súıiktisi» músinshesin oǵan «Barys» hokeı klýbynyń jattyqtyrýshysy, 6 olımpıadaǵa qatysqan ǵalamshardaǵy jalǵyz sportshy Raımo Helmınen jáne Sporttyq baspasóz qaýymdastyǵynyń prezıdenti İlıas Omarov tapsyrdy. Saltanatty rásim uzaqqa sozyldy. Sonda marapattaýshylar Jansaıadan : «Al sen Santa Klaýsqa senesiń be?» dep surady. «Iá» degen jaýap alǵan Raımo Helmınen Santa Klaýs otanynan kelgen sportshy retinde qosymsha syılyqqa shahmatshynyń súıikti 12-shi nómiri jáne onyń tegi jazylǵan «Barystyń» sporttyq jeıdesin tapsyryp, saltanatty rásimge qatysýshylardy tań qaldyrdy. Daýys berý bir aı boıy eki kezeńde ótkeni belgili. Birinshi kezeń Facebook áleýmettik jelisinde ótti. Ekinshi kezeń «Halyq súıiktisi -2013» Ulttyq Premıanyń resmı saıtynda ótkizilip, onda birinshi kezeńde kóbirek daýys jınaǵan tórt fınalıst ózara jarysqa tústi. Derekkóz: baq.kz