Almaty oblysyna qarasty Kókqaınar aýylynyń turǵyndary balalarynyń múldem qolaısyz jaǵdaıda bilim alyp jatqandaryn aıtyp, narazylyq bildirgen. Kókqaınardaǵy mekteptiń turǵyzylǵanyna bıyl 60 jyldan asqan, ne asqanasy, ne kıim sheshinetin bólmesi, ne jattyǵý zaly joq bul mektepke aýyldyq okrýg basshylary jóndeý jumystaryn júrgizbegen-mys. Bul týraly «Qamshy» portaly KTK arnasyna silteme jasaı otyryp habarlaıdy.
Kókqaınar aýylyndaǵy mektepte qazir 200-den astam bala úsh aýysymda bilim alýda. Ata-analardyń aıtýynsha, balalar bir partaǵa úsh-úshten otyryp júr.
Kókqaınarlyq mektep 1950-jyly boı kótergen. Mektep ǵımaratynda aýyz sý, jattyǵý zaly, medpýnkt jáne kıim sheshinetin bólme múlde joq. Al dene shynyqtyrý sabaqtary synyptyń ishinde ótkiziletin kórinedi.
Shamammen 15 jyldan beri jergilikti turǵyndar mektep máselesin sheship berýdi ótinip ákimdiktiń tabaldyryǵyn tozdyrǵanymen, nátıje joq.
«Balalar bir partaǵa úsh-úshten otyrady. Sonda olar neni úırenedi? Olar qalaı jazyp, qalaı oqıdy onda? Qazir taǵy bir sári.Al kúz, qys mezgilderinde tipti múmkin emes munda kirý. Edenderi kógerip ketken. Bul balalardyń densaýlyǵyna da zıan ǵoı»,-deıdi ata-analardyń biri Marına Grıbok.
Turǵyndar shaǵymdaryn aýdandyq ákimdikke de jetkizgenimen, ondaǵylar qurǵaq ýádemen qaıtarǵan. Jergilkti turǵyndarmen kezdesýge ákimdik ókilderi kelmeıdi de. Al ákimshiliktegiler aýyldyq mektepter máselesin baıaǵyda-aq sheship tastaǵanbyz deıdi.
Aýdan ákimdigindegiler «100 mektep, 100 aýrýhana» baǵdarlamasy aıasynda 2016-2017 jyldarǵa arnalǵan jospar daıyn. Onda áýeli Japek batyr aýylynda jáne Kókqaınarda mektep qurylysy bastalady dep kórsetilgen. Jańa mektep 200 orynǵa shaqtalǵanymen onda dárethana, asqana, medpýnkt jáne t.b. jabdyqtalady deıdi ákimdiktegiler.
Nurzat Toǵjan
