Qazaqstanda júrgizýshi kýálikke emtıhan tapsyrý erejeleri ózgertiledi. Budan bylaı azamattar emtıhandardy tómendegideı retpen tapsyra alady.

Aldymen teorıalyq, sodan keıin praktıkalyq emtıhan tapsyrady.

Teorıalyq emtıhan tapsyrmaǵan júrgizýshi kýáligin alǵysy keletin adam praktıkalyq emtıhanǵa jiberilmeıdi.

Teorıalyq jáne praktıkalyq qaıtalama emtıhan aldyńǵy emtıhan kúninen bastap bir jumys kúninen keshiktirilmeı taǵaıyndalady.

Teorıalyq emtıhan "Azamattarǵa arnalǵan úkimet "memlekettik korporasıasy" KEAQ aıqyndaıtyn tártippen ótkiziledi jáne operatordyń qatysýymen ótkiziledi.

Operator emtıhan tapsyrýshylardyń osy qaǵıdalarda belgilengen talaptardy saqtaýyn baqylaýdy qamtamasyz etedi.

Teorıalyq emtıhandy tapsyrý úshin emtıhan tapsyrýshylar emtıhan kúnine deıin bir jumys kúninen keshiktirmeı ótinishti "elektrondyq úkimet" portaly, portaldyń ıntegrasıalyq servısteri arqyly nemese Memlekettik korporasıaǵa júginý arqyly beredi.

Memlekettik korporasıaǵa habarlasqan kezde emtıhan tapsyrýshynyń jeke basyn kýálandyratyn qujatty nemese sıfrlyq qujattar servısinen elektrondyq qujatty bolýy tıis. 

Operator jeke basty kýálandyratyn qujatty ne elektrondyq qujatty memlekettik aqparattyq júıelerdegi (sáıkestendirý úshin) málimettermen salystyryp tekseredi.

Portal arqyly júgingen jaǵdaıda emtıhan tapsyrýshynyń "jeke kabınetinde" ne portaldyń tıisti ıntegrasıalyq servısinde Memlekettik qyzmet kórsetý úshin suraý salýdyń qabyldanǵany týraly mártebe kórsetiledi.

Emtıhan alýshy teorıalyq emtıhandy tapsyrý úshin bos oryndardyń bolýyna qaraı testileý kúnine deıin bir jumys kúninen keshiktirmeı teorıalyq emtıhandy tapsyrý orny, kúni men ýaqytyn tańdaıdy.

Pılottyq jobanyń tolyq mátinimen myna jerde tanysýǵa bolady.