Qazaqstanda dızel otyny qymbattap jatyr. Ulttyq statısıka búrosy málimetinshe, janar-jaǵarmaı materıalynyń bul túri qyrkúıekte ortasha eseppen lıtri úshin 206 teńge 44 tıynǵa satylǵan. Bul tamyz aıyna qaraǵanda 3,8 paıyzǵa joǵary. Al suıyq otyn baǵasynyń jyldyq ósimi 20,5 paıyzdy quraǵan, dep jazady LS agenttigi.
Dızel otynynyń aımaqtar arasynda qymbattaýy boıynsha Petropavl kósh bastap tur. Qyrkúıekte ol jaqtyń turǵyndary dızeldiń lıtrin 223 teńgeden satyp alǵan. Al eń arzan baǵa – Túrkistanda, lıtri 197 teńge turady.
8 qazanda jazǵy suıyq otyn baǵasy 260-300 teńge arasynda bolyp tur. Qysqy dızel keı janarmaı beketterinde 370 teńgeden satylady.
Mamandar qymbatshylyqty otynnyń ishki naryqtaǵy tapshylyǵymen, kórshi elderge zańsyz shyǵarylýymen, Reseılik ımportpen baılanystyrady. Aıtýylarynsha, bul jaǵdaı jyl saıyn qaıtalanyp otyr.
Budan bólek benzın de qymbattap jatyr. AI-92 benzıni qyrkúıekte 172,55 teńgeden satylǵan. Qymbatshylyq jyl basynan beri 14,4 paıyz deńgeıinde bolǵan. AI-95/96 markaly benzın lıtri 197,67 teńge turady. 9 aıdaǵy qymbatshylyq 15,3 paıyzǵa teń. AI-98 benzıni lıtri úshin 218,67 tengeden satylyp jatyr. Jyl basynan bergi qymbatshylyq – 15 paıyz.
