Boryshker tarapynan taıaq jegen sot oryndaýshysy aıyppul tóleıdi

/image/2021/10/08/crop-13_5_436x775_photo_87836.jpeg

5 qazan kúni boryshker tarapynan taıaq jep aty shyqqan jeke sot oryndaýshy Ádil Ermekovke polısıa departamenti aıyppul taǵaıyndady. Bul týraly Almaty qalasy polısıa departamenti bastyǵynyń tergeý boıynsha orynbasary Rýstam Ábdirahmanov óziniń instagram paraqshasynda habarlady.

– 5 qazan kúni áleýmettik jelilerde azamat Á.Ermekov óziniń beınejazbasyn taratty, onda ol júrip kele jatqan avtokóliktiń salonynda jol qozǵalysynyń qatysýshy (jolaýshy) bola otyryp, jol qozǵalys erejeleri talaptaryn buzǵanyn kórýge bolady. Osyǵan baılanysty quqyq buzýshy ákimshilik quqyq týraly qylmystyq kodekstiń 615-baby 1-bóligi boıynsha ákimshilik jaýapkershilikke tartyldy (jaıaý júrginshilerdiń jáne jol júrisine ózge de qatysýshylardyń jol júrisi qaǵıdalarynyń talaptaryn oryndamaýy), ıaǵnı kólikte qaýipsizdik beldigi taǵylmaǵan, – dedi Rýstam Ábdirahmanov.

Osylaısha, jeke sot oryndaýshy Ádil Ermekov kólikpen jol qozǵalysy kezindegi qaýipsizdik erejesin saqtamaǵany úshin 2 AEK (5 834 teńge) kóleminde aıyppul tóleýine týra keledi.

Buǵan deıin Almatyda jeke sot oryndaýshysy Ádil Ermekov qyzmet barysynda soqqyǵa jyǵylyp, oǵan kásipqoı boksshy Janqosh Turarovtyń qatysy bar degen aqparat shyqqan. Janqosh Turarov oqıǵa ornynda bolǵanyn, biraq eshkimdi urmaǵanyn jetkizdi. Al Respýblıkalyq sot oryndaýshylar palatasy sot oryndaýshy men boryshker arasynda bolǵan kıkiljiń kezinde polısıa qyzmetkerleriniń oqıǵa ornynan ketip qalǵany týraly habarlaǵan bolatyn.

Boryshker tarapynan taıaq jegen sot oryndaýshysy aıyppul tóleıdi

Qatysty tegter :

Pikir qaldyrý

Qatysty Maqalalar