Prezıdent Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn talqylaý maqsatynda «Nur Otan» partıasy Shymkent qalalyq fılıaly janyndaǵy «Jastardy qoldaý» qoǵamdyq keńesiniń otyrysy ótti.

Jıynda «Nur Otan» partıasy Shymkent qalalyq fılıaly tóraǵasynyń birinshi orynbasary Janar Bektaeva joldaýda aıtylǵan naqty basymdyqtarǵa jeke-jeke toqtalyp, saılaýaldy baǵdarlamalarmen baılanystyra júıeli jumys isteý qajettigin túsindirdi. Prezıdent belgilegen mindetti júzege asyrýda jastardyń qoldaýy mańyzdy ekenin tilge tıek etip, birlese atqaratyn istiń nátıjesin kórsetýge shaqyrdy.

Sonymen qatar atalǵan taqyryp aıasynda Shymkent qalasy máslıhat depýtaty, fraksıa múshesi Baltabaev Talǵat Dýısebaıuly jáne «Jas Otan» Jastar qanaty Shymkent qalalyq fılıalynyń tóraǵasy Isahov Maǵjan Shyńǵysulynyń baıandamalary tyńdaldy.