Temirtaýda 5516 áskerı bóliminiń áskerı qyzmetshisi ózine qol jumsady. Bul týraly Habar 24 habarlady. 

Ulttyq gvardıa "Ortalyq" óńirlik qolbasshylyǵy baspasóz qyzmetiniń málimdeýinshe, 21 qazan túngi saǵat 01:30 shamasynda azamattyq boryshyn ótep jatqan sarbaz Ońǵarov S.B. postta turǵan kezde qarýmen óz basyna oq atqan.

"Áskerı qyzmetker shuǵyl túrde qalalyq aýrýhanaǵa jetkizildi, ókinishke qaraı, qabyldanǵan sharalarǵa qaramastan, ony qutqarý múmkin bolmady. Saǵat 02.20-da sarbazdyń ólimi tirkeldi. Atalǵan fakt boıynsha ortalyq óńirdiń áskerı-tergeý basqarmasy sotqa deıingi tergeý júrgizýde. Oqıǵanyń sebebi men mán-jaıy anyqtalýda" delingen habarlamada. 

Marqum 20 jasta bolǵan. Ol áskerı boryshyn óteýge Túrkistan oblysy Maqtaaral aýdanynan kelgen.