Shymkent qalasyndaǵy Qarataý dástúrli óner mektebinde Táýelsizdiktiń 30 jyldyǵy oraı uıymdastyrylǵan «Qazaq Epos» respýblıkalyq aǵartý jobasy aıasynda «Tulpar minip, tý alǵan!» baıqaýy bastaý aldy.

Baıqaý Shymkent qalasy bilim basqarmasyna qarasty bilim berý mekemeleriniń 6-10 synyp oqýshylarynyń arasynda ótkizilýde.

Baıqaýdy jarıalaýdaǵy maqsat- Elbasy N.Á.Nazarbaevtyń «Bolashaqqa baǵdar: Rýhanı jańǵyrý», «Uly dalanyń jeti qyry» maqalalarynda jáne Prezıdent Q. Toqaevtyń «Táýelsizdik bárinen qymbat» atty maqalasynda júktelgen mindetterdi júzege asyrý.

Jalpy respýblıkalyq baıqaý balalar arasynda kitap oqýdy jáne qazaq halqynyń batyrlyq epostaryn nasıhattaýǵa, shyǵarmashylyq jáne zıatkerlik qabiletin damytýǵa, kórkem ádebıetke degen súıispenshiligin oıatýǵa baǵyttalǵan.

Baıqaýdyń erejesine sáıkes «Tulpar minip, tý alǵan!» baıqaýyna qatysýshylar «Edige batyr» jyryn jatqa aıtyp, jyrdyń ishindegi kónergen, tarıhı sózderdiń maǵynasyn ashyp, 6-10 synyptyń qazaq tili men ádebıeti oqýlyǵy boıynsha ázirlengen suraqtarǵa jaýap beredi.

Jeńimpaz atanǵan oqýshy respýblıkalyq baıqaýǵa joldama alady.