Shymkentte shaǵyn kásipkerlik salasy qarqyndy damý ústinde. Sonyń biri «Maksı Laıf» kompanıasy 2011 jyldan beri saýda-óndiristik fırma retinde óz jumysyn bastaǵan. 2013 jyly kompanıanyń óndiristik aýqymy keńeıip, qurylys shyǵarý isi men kondıterlik sehyn iske qosty.

Qurylys materıaldary óndirisinde gıpsokarton profıli, mıneraldy sándik sylaq, suıyq travertın jáne qurǵaq qurylys qospalary, shpaklevka, kafelge arnalǵan jelim daıyndalady. Al kondıterlik sehta dámdi toqash pen torttar pisiredi.

2017 jyly «Maksı Laıf» tigin sehy da iske qosyldy. Sehta qorǵanys quraldary, kombınezon, halat, maska, arnaıy kıimniń qaptaryn tigý jumystary júrgiziledi. Daıyn ónimderdi tek respýblıka aýmaǵynda emes, TMD boıynsha eksporttaıdy. Kompanıa basshylyǵy jaqyn jáne alys sheteldermen iskerlik baılanys ornatqan.

Aıta keteıik, «Maksı Laıf» sonymen qatar jıhaz jasaý óndirisinde jemisti eńbek etýde. Munda úıge jáne keńsege arnalǵan korpýstyq jıhazdar men jumsaq jıhaz, sondaı-aq qańqasyz jıhazdar jasalady.