Bekbolat Tileýhan 1966 jyly 7 tamyzda Qaraǵandy oblysy Jańaarqa aýdanynda týǵan.

1993 jyly Qurmanǵazy atyndaǵy Almaty memlekettik konservatorıasyn "konserttik oryndaýshy" mamandyǵy boıynsha, 1998 jyly Q.Sátbaev atyndaǵy Qazaq memlekettik tehnıkalyq ýnıversıtetin "ınjener-metallýrg" mamandyǵy boıynsha bitirgen.

Eńbek jolyn 1996 jyly prezıdent orkestiriniń kórkemdik jetekshisi qyzmetinen bastaǵan.

Ár jyldary mádenıet salasynda, atap aıtqanda Mádenıet komıtetiniń tóraǵasy, Mádenıet, aqparat jáne qoǵamdyq kelisim vıse-mınıstri, Mádenıet vıse-mınıstri qyzmetterin atqarǵan.

2004-2011 jyldary eki márte májilis depýtaty bolyp, 2012 jyly Ulttyq sport túrleri qaýymdastyǵynyń prezıdenti atanady. Qoǵamdyq qaýymdastyqty áli kúnge deıin basqarady.

2016 jyly qaıtadan depýtat atanyp, 2021 jylǵy májilis saılaýynan keıin de parlamenttegi ornyna oralǵan. NurOtan partıasynyń múshesi.

Bekbolat Tileýhan kópshilikke o basta ulttyq-patrıottyq ánderdiń, termelerdiń oryndaýshysy, sheshen sóıleıtin, áńgimesine tyńdaýshysyn uıyta alatyn adam retinde tanyldy. Onyń oryndaýshylyq ónerin, ulttyq baǵyttaǵy aıtqan áńgimelerin yqylaspen tyńdaıtyndar, joǵary baǵalaıtyndar kóp boldy.

Keıinnen depýtat bolyp, birqatar daýly oqıǵalardyń ortasynda qaldy. Máselen, 2016 jyly jer máselesi qoǵamda qyzý talqylanyp jatqanda "jer sheteldikterge jalǵa beriledi, jerdiń ıesi bolýy kerek, ol damýy kerek" degen sózder aıtyp synǵa ilindi.

2020 jyly mamyrda "Halyq densaýlyǵy jáne densaýlyq saqtaý júıesi týraly" kodeks talqylanyp jatqanda sol kezdegi densaýlyq saqtaý mınıstri Eljan Birtanov keı vaksınalar mindetti bolatynyn, bul ınfeksıalyq aýrýlardyń aldyn alýǵa, azamattardyń densaýlyǵyn saqtaýǵa baǵyttalǵanyn, ata-analar balalaryna ekpe saldyrmaýynyń saldarynan buryn umyt bolǵan aýrý túrleri qaıta shyǵa bastaǵanyn aıtqan. Alaıda Bekbolat Tileýhan depýtattardyń ishinde jalǵyz ózi mindetti vaksınasıaǵa qarsylyq bildirgen.

Sol jyldyń tamyzynda jýrnalıs Serik Boqan Bekbolat Tileýhannan qarǵys estigenin aıtyp, dálel retinde ekeýara áńgimeniń aýdıojazbasyn jarıalaǵan. Eks-depýtat mundaı jaǵdaıdyń bolǵanyn joqqa shyǵarmaı, jýrnalısi ashýmen qarǵaǵanyn málim etken. Osy oqıǵa áleýmettik jelide qyzý talqylanyp jatqanda belgili jýrnalıs Serik Abbas-shah buǵan deıin Bekbolat Tileýhanmen kezdesip qalǵanynda eks-depýtat ózin qarǵys tizimine qosqanyn aıtqany týraly jazǵan.

2020 jyldyń qyrkúıeginde jýrnalıs Toqtar Jaqash Facebook paraqshasynda shetelge zańsyz qarý satyp ustaldy delingen adamnyń vıdeosyn jarıalady. Ol jerdegi adam shetelge qarý satýda depýtat Bekbolat Tileýhan qoldaý bildiretinin jetkizgen. Eks-depýtat vıdeodaǵy aıtylǵandar tolyqtaı jala ekenin, abyroı-bedeline nuqsan keltiretin jalǵan aqparat berýshi vıdeodaǵy tulǵalardy anyqtaý úshin quzyrly organdarǵa shaǵymdanǵanyn málim etken.

Sondaı-aq ol 2021 jylǵy naýryzda Almatyda ótken femınıstr sherýine "azǵyndyq", "qubyjyq qubylys" dep baǵa bergen.

8 jeltoqsanda Azattyq radıosy jýrnalısine Aron Atabek týraly aıtqandary da jelide qyzý talqy týdyrdy.

Ol 15 jyl burynǵy Shańyraq oqıǵasy kezinde úılerin qorǵaýǵa tyrysqan halyqtyń narazylyǵyn kúshpen basýdy "zańdy áreket" dep sıpattaýǵa tyrysyp, 2006 jyldary depýtat bolyp turǵan tusta Aron Atabek, Shańyraq máselesin kóterip, depýtattar nazaryn úılerin zańdastyra almaı júrgen azamattardyń máselesine aýdartqanyn aıtady. Biraq sol kezde "emosıaǵa berilip" máseleniń baıybyna barmaı "qyzý kiriskenin", artynan "opyq jegenin" jetkizdi. 

– Basynda túsindirgen kezde ol kisi (Aron Atabek – red.) keremet sheshen boldy. Elpildep kettim. Shynymen qyzý kiristim. Shańyraqtyń máselesin parlament qabyrǵasynda kádimgideı qozǵadym. [Áriptesterim] "Bekbolat, sen emosıaǵa salynba, tura tur, bul nárseni tekserip al!" dedi. Men teksermesten kiristim. Sol kezdegi ishki ister mınıstri Baýyrjan Muhamedjanovty parlamentke shaqyrdym... Keıin [istiń mán-jaıyn] maǵan túsindirgen kezde istep jatqan nárselerdiń barlyǵy qarap otyrsaq, shynynda da bári dáleldengen, aıtyp otyrǵan aıǵaqtardyń barlyǵyna kózimdi jetkizdi, – dedi Bekbolat Tileýhan Azattyq radıosy jýrnalısine.

Sondaı-aq ol AQSH kongresi tarapynan qarjylandyrylatyn halyqaralyq basylym jýrnalısin "Amerıkanyń soıylyn soǵyp júrsiń" degen syńaıdy aıyptap, jýrnalısi "elbuzar" dep ataǵan.

Búgin jýrnalıserge ókilettigin toqtatýy 8 jeltoqsandaǵy daýly sózderimen baılanysty emestigin, sheshim qyrkúıekte qabyldanyp qoıǵanyn aıtqan.