Álıhantanýshy-ǵalym Sultan Han Aqquly 19 naýryzda bolatyn májilis saılaýyna bir mandattyq okrýgten túsýge bel baılaǵanyn habarlady. Ǵalym bul týraly Facebook paraqshasynda jetkizdi:

QURMETTİ DOSTAR, ALASH URPAǴY!
Men, Sultan Han Aqqululy Júsip, búgin, 2023 jyldyń 23 qańtarynda, Astana boıynsha № 1 aımaqtyq (okrýjnoı) saılaý komısıasyna ózimdi QR Parlamenti Májilisiniń depýtattyǵyna táýelsiz úmitker retinde tirkeý týraly ótinish tapsyrdym.

Aldaǵy kezekti kezekten tys saılaý keshegi ZULYMDYQ IMPERIASY (SSSR) men adamzattyń, qazaqtyń qas jaýy - KOMÝNISTİK DIKTATÝRADAN bizge mura bolyp qalǵan eski de jańa bıliktiń «Estıtin memleket» jáne «Jańa Qazaqstan» turǵyzamyz degen ýádesin oryndaıtyn-oryndamaıtynyn aıqyndaıdy degen oımen, men saılaýǵa úmitker bolyp qatysýǵa bel býdym.

AQORDA men ol taǵaıyndaǵan jergilikti ÁKİMDERDİŃ SAILAÝ BARYSYNA ZAŃSYZ ARALASATYNYNA, burynǵydaı óreskel bolmasa da, ÁKİMSHİLİK RESÝRSTY QOSYP, SAILAÝ NÁTIJESİN bıliktiń qolynan jem jegen ÚMİTKERLER MEN BILİK PARTIALARY TİZİMDERİNİŃ ÚLESİNE QARAI BURMALAITYNYNA ESH KÚMÁN JOQ. Biraq BILİK BUQARA HALYQTYŃ 2019 jyldyń erte kóktemine deıingi ÚRKEK, QORQAQ, JİGERSİZ TOBYR EMES EKENİN UMYTPAÝY KEREK. Bul – ózi saılamaǵan bılikke qarsy shyqqan beıbit narazylyǵy 2011 JYLDYŃ JELTOQSANYNDA JAŃAÓZENDE, 2022 JYLDYŃ QAŃTARYNDA búkil Respýblıkada AIAÝSYZ QANTÓGİSPEN BASYP-JANSHYLǴAN HALYQ.

Ia, beıbit narazylyq aıaýsyz qantógispen basyp-janshyldy, biraq odan HALYQTYŃ ASQAQ, AZAT RÝHY sý sepkendeı óshken joq, basylǵan joq.

SAILAÝ NÁTIJESİN BURMALAÝ – ol BILİKTİ BASYP ALÝ men ÝZÝRPASIALAÝ! Endeshe biz, HALYQ, eshkimniń BILİKTİ BASYP ALÝY men ÝZÝRPASIALAÝYNA burynǵydaı jol bermeýimiz kerek.

Bıliktiń jalǵyz kózi – HALYQ! - dep Ata zańymyzda oıyp jazylǵan. Endeshe óz bıligimizdi burynǵydaı ustaǵannyń ýysynda, tistegenniń aýyzynda kete berýine jol bermeıik, ózimiz QALAǴANYMYZDY SAILAIYQ!

Bizdiń BAQYTTY DA KEMELDENGEN BOLASHAǴYMYZ, elimizdiń JEMQORLYQSYZ, TAMYR-TANYSTYQSYZ, RÝSHYL-JÚZSHİLSİZ jáne KELESHEKKE ALAŃDAMAI ADYMDAP DAMÝYMYZ BEN GÚLDENÝİMİZ óz qolymyzda!

BİZDİŃ TAǴDYRYMYZ – ÓZ QOLYMYZDA!