Taldyqorǵan qalalyq soty Almaty oblysy UQKD–nyń burynǵy basshysy Sábıt Qurmanalıevti alty jylǵa bas bostandyǵynan aıyrdy. Ol Qańtar oqıǵasy kezinde qaramaǵyndaǵylarǵa departament ǵımaratyn bosatyp, qupıa qujattardy joıýdy buıyrǵan.

"Almaty oblysynyń UQK basshysy bola tura, ol óziniń mindetine salǵyrt qaraǵan. 2022 jyly 5 qańtarda oryn alǵan oqıǵalardy kóre tura, jeke quramǵa departament ǵımaratyn qorǵamaý týraly buıryq bergen. Qyzmettik jáne qupıa qujattamalardy joıyp, qol astyndaǵylardy taratyp jibergeniniń sońy UQK ǵımaratyn basyp alýǵa ákeldi", – delingen Taldyqorǵan qalalyq sotynyń baspasóz qyzmeti taratqan habarlamada.

İstiń tolyq mán–jaıy "qupıa" dep tanylyp, jarıalanbaıdy.

Sot Almaty oblysy UQK–nyń eks–basshysyn 362 baptyń 4 bóligi boıynsha óz ókiletin asyra paıdalanyp jáne onyń sońy zardapqa alyp kelgeni úshin kináli dep tanydy. Ol alty jylǵa sottalyp, 10 jyl boıy quqyq qorǵaý organdarynda jumys isteý quqyǵynan aıyryldy, dep habarlaıdy informburo.kz

Sonymen qatar, Sábıt Qurmanalıevti UQK general–maıory ataǵy men memlekettik nagrada, ordenderinen aıyrý týraly usynys tastaldy .

Sot úkimi zańdy kúshine engen joq.