Qurban aıtta jaǵdaıy kelmeıtin azamattar qaryzǵa qurbandyq shalýdyń qajeti joq. Bul týraly dinı basqarmanyń ýaǵyz-nasıhat bóliminiń meńgerýshisi Batyrjan Mansurov aıtty.

"Qurban shalý úshin qaryz alyp qurban shalý mindet emes. Óıtkeni qurban shalý úshin adamnyń jaǵdaıy bolýy kerek. Jaǵdaıy bar adam ǵana qurban shalady. Al endi jaǵdaıy kelmeıtin adam qaryzdanyp, qurbandyq shalý oǵan mindet emes", - dedi Mansurov ortalyq komýnıkasıalar qyzmetinde ótken brıfıńte.

Sondaı-aq qurbandyqqa shalýǵa bolmaıtyn maldar týraly da aıtyp ótti. Batyrjan Mansurovtyń aıtýynsha, tómendegideı sıpattaǵy maldar qurbandyq shalýǵa jaramsyz bolyp keledi: 

• Bir kózi soqyr
• Soıylatyn jerge jete almaıtyn dárejede kóterem
• Qulaǵy nemese quıryǵy týmadan joq nemese basym bóligi kesilgen
• Tisteriniń kóbi túsip qalǵan
• Emshekteriniń basy julynyp qalǵan
• Bir múıizi nemese ekeýi de túbinen synǵan. 

«Qoı, eshki, sıyr jáne túıe maldaryn ǵana qurbandyqqa shalýǵa bolady. Qurban retinde shalynatyn qoı jáne eshki kem degende bir jasar, sıyr eki jasar, túıe bes jasar bolýy kerek. Alty-jeti aılyq toqty bir jasar qoı sıaqty semiz, etti bolsa, qurbandyqqa shalýǵa jaraıdy. Qoı men eshkiniń erkegin, sıyrdyń urǵashysyn shalý abzal. Al elik, arqar sıaqty ańdar men taýyq, qoraz, qaz, úırek sıaqty qustar qurban retinde soıylmaıdy», - dedi Mansurov.