Jetisý oblysy Eskeldi aýdany Qarabulaq aýylynyń soty Jibek Bostanbekovany "tyıym salynǵan uıym jumysyna qatysty" dep aıyrtap, bas bostandyǵyn bir jylǵa shektedi.

Buǵan Bostanbekovanyń byltyr kezekten tys prezıdent saılaýy aldynda QDT qozǵalysynyń jetekshisi, qýǵyndaǵy eks-bankır Muhtar Áblázovtyń Instagram-paraqshasyndaǵy tikeleı efırge qosylyp, suraq qoıǵany sebep bolǵan. 

Sonymen qatar, Bostanbekovanyń qoǵamdyq qyzmetpen aınalysýyna 3 jylǵa shekteý qoıylǵan. Oǵan sot shyǵyny úshin 250 myń teńge, jábirlenýshiler ótemaqy qoryna 10 AEK tóleý mindetteldi. 

Aıyptalýshy is-áreketin "ekstremızm" dep sanamaıtynyn aıtty. Jibek Bostanbekovanyń sózinshe, ol buǵan deıin Áblázovtyń mıtıńilerine qatyspaǵan, belsendi bolmaǵan.

Alaıda quqyq qorǵaýshylar istiń "saıası astary bar" deıdi. Bostanbekova sot sheshimine qarsy shaǵym beretinin aıtty.

Derekkóz: Azattyq radıosy