Almatyda 21 tamyzda "Orta Azıa damýynyń Kóshbasshylyq akademıasy" baǵdarlamasy bastaldy. Bul memlekettik qyzmetkerlerdiń orta jáne joǵary býyny, sondaı-aq jergilikti bıznes pen azamattyq qoǵam kóshbasshylarynyń iriktelgen tobyna arnalǵan bes kúndik baǵdarlama. AlmaU OA úshin mańyzdy is-sharany ótkizetin seriktes ýnıversıtet atandy.

Baǵdarlama Frensıs Fýkýıamanyń "Memlekettik saıasat máselelerin sheshý negizderi" dárisinen bastaldy.

Frensıs Fýkýıama – saıasattaný baǵyty boıynsha qurmetti profesor, álemdik oıshyl, "Tarıhtyń sońy jáne sońǵy adam", "Senim", "Sáıkestik" sıaqty irgeli zertteý jumystarynyń avtory. 2021 jyly Memleket basshysy Toqaev pen Fýkýıama postkovıdtik kezeńdegi geosaıası tártip evolúsıasynyń perspektıvalaryn talqylady. 2 jyldan keıin profesor Qazaqstanǵa alǵash taban tiredi.

Ortalyq Azıadan kelgen 35 tyńdaýshy Erık Djensen, Merı Hıldebrand, Erık Honstan dáris alady. Tutastaı alǵanda, damý kóshbasshylyǵy akademıasy (LAD) jeke sektorǵa ekonomıkalyq ósý men damýdyń syndarly kúshine aınalýǵa kómektesý úshin damýshy elderdiń memlekettik qyzmetkerleri men bıznes kóshbasshylaryn daıyndaıdy. Ol qıyn jáne daýly jaǵdaılarda aqylǵa qonymdy memlekettik saıasatty ilgeriletý arqyly reformalardyń tıimdi kóshbasshylary bolýdy úıretedi.

"Stenford ýnıversıtetiniń Demokratıa jáne iske asyrý quqyǵy mektebi Qoǵamdyq saıasat máselelerin sheshýge arnalǵan naqty jaǵdaılardyń biregeı úlgisin ákeldi. Bul úkimettik jáne halyqaralyq strategıalarda kezdesetin problemalardy sheshýdiń jaı ǵana tásili emes. Munda másele ashyq usynylady jáne bizdiń óńirden qatysýshylar, úkimettiń, jeke sektordyń, azamattyq qoǵamnyń ókilderi birlesip talqylaıdy jáne qandaı da bir sheshimge, kompromısske kelip, naqty usynystar beredi. Osylaısha, bul is bıznestiń, bıliktiń, azamattyq qoǵamnyń jáne zertteýshi-akademıkterdiń dıalogy arqyly naqty máselelerdi sheshý prosesin alǵa jyljytady. Bul keńistik barlyq elder men sektorlarynyń birigýi", – dep atap ótti uıymdastyrýshy, halyqaralyq jeke kásipkerlik ortalyǵynyń (CIPE) ókili Sobır Qurbanov.

AlmaU-men qatar Stenford ýnıversıtetiniń demokratıa, damý jáne Zań Ústemdigi ortalyǵy (cddrl) men qatar, Ortalyq Azıa saıası zertteýleri (Caps Unlock) sıaqty uıymdar da uıymdastyrýshylar qatarynan tabyldy.

Baǵdarlamaǵa qatysýshy, AlmaU saıasat jáne quqyq mektebiniń saıası zertteýler ortalyǵynyń dırektory Danıal Saarı birinshi kúnnen keıin alǵan áserimen bólisti:

«Meni Frensıs Fýkýıama men Merı Hıldebrandt sıaqty tanymal jáne tájirıbeli ǵalymdardan sabaq alý múmkindigi shynymen shabyttandyrady. Olardyń saıasattaný jáne damý salasyndaǵy tereń bilimi men tájirıbesi kóptegen elderdiń aldynda turǵan problemalary men múmkindikteri týraly qundy aqparattardy alýǵa múmkindik beredi.

Sabaqtar naqty qurylymdalǵan, teorıalyq tujyrymdamalardyń praktıkalyq mysaldarmen jáne ınteraktıvti toptyq jattyǵýlarmen úılesimdi. Toptyq jumystar negizinen naqty derekter negizinde sheshim qabyldaýǵa jáne saıasatty negizdi ázirleý úshin derekterdi paıdalanýǵa basa nazar aýdarady».

Baǵdarlamaǵa qatysýshy, OLX Kazakhstan Bas dırektory Ulan Qaıyrbekov ótkizilip jatqan kýrs jaıly aıtyp berdi: «Baǵdarlama Amerıkanyń jetekshi ýnıversıtetteriniń profesorlarynan memlekettik saıasatty ázirleýdiń ozyq ádistemelerin ıgerýge jaqsy múmkindik beredi. Meni ásirese jańa reformalardy qalyptastyrý prosesinde bıznestiń rólin zertteý aspektisi qyzyqtyrady. Bul baǵdarlamada oqytý ártúrli elderdiń reformalarynyń praktıkalyq jaǵdaılaryn (keıs-stadı) taldaýǵa, sondaı-aq sátti tájirıbelerdi paıdalanýǵa negizdelgeni mańyzdy. Baǵdarlama bizdiń elimizde reformalardy júrgizýdegi joǵary belsendilikti jáne olardyń tıimdiliginiń jetkiliksizdigin eskere otyryp, Ortalyq Azıa elderi úshin paıdaly bolady dep oılaımyn».

Kóshbasshylyqty damytý akademıasynyń oqytýshylar tobynyń múshesi Merı Hılderbrand olardyń problemalaryn sheshýdi usyný úshin emes, qatysýshylarǵa saıası máselelerdi sheshýde tıimdirek bolýǵa kómekke kelgenderin atap ótti: «Qatysýshylar máselelerdi túsinip, aldaǵy ýaqytta óz kontekstinde paıdalana alady dep úmittenemiz. Olar budan da aýqymdy jobalardy jasaıtyn bolady. Biz osyndaı baǵdarlamalardy búkil álemde: Latyn Amerıkasynda, Afrıka elderinde, Balqanda, Shyǵys Eýropada, Ońtústik-SHyǵys Azıada ótkizdik».