Polısıa tirkelmegen "Dempartıanyń" belsendileri Arýjan Dúısebaeva men Meıirhan Jolaevty qamaýǵa alǵan. 

"Búgin Dosaev Naýryzbaı aýdany turǵyndarymen kezdesedi eken. Sol kezlesýdiń aldynda Arýjan men Meıirhandy esh sebepsiz polısıa ustap alyp ketti.Arýjanǵa qatysty kúsh qoldanǵan", dep jazdy partıa belsendisi Inga Imanbaı. 

Arýjan Dúısebaeva polısıadan shyqqan soń oqıǵanyń mán-jaıyn túsindirdi. 

"Erbolat Dosaevtyń kezekti kezdesýine baryp Naýryzbaı aýdanyndaǵy birqatar máseleleri týraly aıtý úshin barǵanmyn. Alaıda meni kezdesýge qatystyrmaı, polısıa bólimshesine alyp ketpekshi boldy. Bólimshege barmaıtynymdy aıtyp, 5-6 mınýttaı qarsylyq tanyttym. 10-ǵa jýyq polıseı jabylyp, kólikke salyp alyp ketti. Basym men qolymnan jaraqat aldym. Bul baryp turǵan bassyzdyq. Muny Almaty qalasynyń ákimi Dosaevtyń tikeleı tapsyrmasymen jasaldy dep bilemin", deıdi Arýjan Dúısebaeva.