Bıyl maýsymda elordadaǵy Kaspi Bank ǵımaratyna shabýyl jasap, adamdardy kepilgen alǵan qarýly azamatqa qatysty qylmystyq is sotqa jiberildi. 

"İs Astana qalasynyń qylmystyq ister jónindegi aýdanaralyq sotyna kelip tústi. Qaralatyn kúni ázirge belgisiz", - delingen sot habarlamasynda. Bul týraly ulysmedia.kz portaly jazdy. 

Eske sala keteıik, 18 maýsymda qarýly er adam Kaspi Bank fılıalyna basyp kirip, mekemedegi 7 adamdy kepilge aldy.

Oqıǵa ornyna polısıa men arnaıy jasaq baryp, jaqyn mańdaǵy úılerdiń barlyq turǵyndary evakýasıalandy. 

Er adam polısıamen kelissózge kelýden bas tartyp, kepilge alynǵan adamdardy óltiretinin málimdedi. Osydan keıin arnaıy jasaq iske jumyldyrylǵan edi. Kóp uzamaı kepilge alynǵandar bosatylyp, basqynshy qamaýǵa alynǵan bolatyn.