Eńbek jáne áleýmettik qorǵaý mınıstrliginiń Kóshi-qon komıtetiniń tóraǵasy Asqarbek Ertaev Qazaqstandaǵy kóshi-qon prosesteri týraly aıtyp berdi.
Onyń habarlaýynsha, aǵymdaǵy jyly Qazaqstanǵa 13,5 myń qandas kelgen, onyń 8,5 myńy eńbekke qabiletti azamattar. Sonymen qatar, bıyl elde 321 bosqyn, 559 baspana izdeýshi tirkelgen.
Jýrnalısterdiń suraǵyna jaýap bere otyryp, Ertaev bıyl elden 200 myńǵa jýyq qazaqstandyq ketkenin málim etti. Olardyń kópshiligi shetelge nápaqa izdep ketken.
"Bıylǵy jyldyń birinshi toqsanynda 194 myń qazaqstandyq shetelge ketti. Olar negizinen aqsha tabýǵa ketti. 2022 jyly 25 myń qazaqstandyq ózge memleketterge oqýǵa attandy", - dedi ol.
Pikir qaldyrý