Shymkent garnızonynyń áskerı soty áskerde júrip qaza tapqan jaýynger Bekbol Mırashtyń qazasyna aıyptalǵan shekara zastavasynyń serjantyna qatysty úkim oqydy. 

40 jastaǵy aǵa serjant Aıbek Nurtaı "bopsalaý, bılikti asyra paıdalaný, ózin-ózi óltirýge deıin jetkizý" baptary boıynsha aıyptalǵan bolatyn. Sot áskerı qyzmetkerdi sońǵy "ózin-ózin-ózi qltirý" baby boıynsha aqtap, 3 jyl 6 aıǵa túrmege kesti.

"Jaýapker zastava aýmaǵynda bar bolǵany 8 kún bolǵan. Ol jábirlenýshimen  birneshe ret qana kezdesken. Osyndaı qysqa merzimde jaýyngerdi óz-ózine qol jumsaýǵa ıtermeleı almas edi. Dálelder sottalýshynyń bul rette kinásin joqqa shyǵarady", - delingen sottyń málimdemesinde.

Úkim zańdy kúshine engen joq.

Alaıda aıyptalýshy Aıbek Nurtaı apelásıalyq sotqa shaǵym beretinin aıtty. "Úkimge kelispeımin. Araq ishpeńder dep urysqanym ras. Biraq balaǵattamadym, urmadym" – dedi ol. 

Eske sala keteıik, Atyraýlyq Bekbol Mırash ótken jyly 19 tamyzda áskerde júrip qaza tapqan edi. Marqumnyń týystary onyń sýısıd jasaǵanyna senbeıdi. Bıologıalyq saraptama jaýyngerdiń jynystyq qorlyqqa ushyraǵanyn kórsetken.