-
Din men dástúr baǵyty. Qazir din men dástúr sabaqtastyǵyn nasıhattaý boıynsha qalalyq, oblystyq meshitter janynan «Din men dástúr» ortalyqtary ashylyp, jamaǵat arasynda ádet-ǵurpymyz ben salt-dástúrimiz keńinen dáriptelýde. Meshit aýlalarynda, mádenıet úılerinde dinı merekelerdi ulttyq naqyshta atap ótý dástúrge aınaldy. Dinı, rýhanı is-sharalarda ulttyq aspaptarmen arnaý, tolǵaý, terme oryndalyp, babalarymyzdyń ósıetti óleńderi dáriptelýde. Jastardyń sanasyna ulttyq qundylyqtarymyzdy sińirý jumystary úzdiksiz jalǵasa beredi.
-
İzgi qoǵam baǵyty. Din qyzmetkerleri qoǵamdy izgilendirýge ózindik úles qosyp keledi. Imamdar qoǵamda ádilettilik, adamgershilik, ádep syndy qundylyqtardy qalyptastyrýda belsendi qyzmet atqarýda. Qalalyq, oblystyq meshit janynan ashylǵan «Otbasylyq keńes berý» ortalyqtary 1 jylda ajyrasýǵa sheshim qabyldaǵan 500-den astam juptyń nekesin saqtap qaldy. Jastardy jaman ádetterden (qumar oıynǵa táýeldilik, temeki shegý, araq ishý t.b.) saqtandyrý baǵytyndaǵy nasıhattyq jumystar jalǵasa beredi.
-
Ihsan jáne nasıhat baǵyty. Juma jáne kúndelikti namaz aldyndaǵy ýaǵyz jumystarynda jastarǵa árbir jaqsy isti kórkem túrde (ıhsan dárejesinde) oryndaý týraly nasıhat aıtylýda. Múftıat janynan ashylǵan «Jastar isi» sektory, «Zeıin» oqyrmandar klýby jas býynnyń zeıinin ashyp, rýhanı álemin baıytýǵa úles qosýda. Qazir álem halqy jat dinı aǵymdarǵa toıtarys berýdiń tóte joly - san ǵasyrdan beri qalyptasqan dástúrli qundylyqtardy jańǵyrtý ekenin túsindi. Búginde ımamdar ıhsan ilimin nasıhattaýmen qatar, salt-dástúrimizdiń janashyryna aınaldy.
-
Dinı oqý-aǵartý baǵyty. Sońǵy 9 aıdyń esebi boıynsha qalalyq, oblystyq, aýdandyq, aýyldyq meshitter janynan ashylǵan Saýat ashý kýrstarynda 23 665 adam alǵashqy dinı saýatyn ashty. 7 417 adam Quran oqı alatyn dárejege jetti. 5 258 adam namazǵa jyǵyldy. Dinı saýat ashý kýrstarynda bilim alǵan azamattarda destrýktıvti dinı aǵymdardyń teris ıdeologıasyna qarsy ımýnıtet qalyptasty.
-
Jat dinı aǵymdardan saqtandyrý baǵyty. Jastardy destrýktıvti dinı aǵymdardyń teris ıdeologıasynan saqtandyrý – Qazaqstan musylmandary dinı basqarmasynyń negizgi jumys baǵyttarynyń biri. Bul – barlyq múftıden beri jalǵasyp kele jatqan asyl mindet. Múftıattyń dinı ońaltýǵa jaýapty mamandary ótken jyly qoǵamdyq oryndar men túzeý mekemelerinde 9928 jeke yqpal etý aksıalaryn (jeke kezdesýler) júzege asyrdy. Jumys nátıjesinde jalpy 1477 adamǵa oń yqpal jasaldy. Atap aıtqanda, 773 adam qazaqstandyq qoǵam qundylyqtaryna beıimdeldi jáne 704 adam destrýktıvti dinı aǵym ıdeologıasynan bas tartty
Búgin Májilis depýtaty Amanjol Áltaev buqaralyq aqparat quraldary ókilderine múftıattyń, ımamdardyń qyzmeti týraly pikir bildirdi. Osyǵan baılanysty QMDB málimdeme jasady.
"Qazaqstan musylmandary dinı basqarmasy – qoǵamdyq dinı birlestik. Dese de múftıat qoǵam aldyndaǵy mindettemelerin óz quzireti aıasynda atqaryp, halyqtyń rýhanı damýyna, elimizdiń birligi men ıgiligine ózindik úlesin qosýda.
Múftıat jyl basynda bes baǵyt boıynsha jumystarǵa basymdyq beretinin jarıalady. Olar – din men dástúr, izgi qoǵam, ıhsan jáne nasıhat, dinı oqý-aǵartý, jat dinı aǵymdardan saqtandyrý", delingen dinı basqarmanyń resmı málimdemesinde.
Sondaı-aq múftıat janynan qurylǵan ǵulamalar, aqsaqaldar, sarapshylar keńesi jastardy jat dinı aǵymdardan saqtandyrý jumystaryna belsene aralasyp jatqanyn atap ótti.
"Qazaqstan musylmandary dinı basqarmasy ata-babamyz san ǵasyrdan beri ustanyp kele jatqan dástúrli Islam qundylyqtaryn úzdiksiz dáriptep keledi. Osy baǵytta múftıat «Dástúrli Islam jaýharlary», «Din men dástúr», «Ihsan – rýhanı tárbıe negizi», «Tolyq adam» kitaptaryn shyǵardy. Jyl sońyna deıin «Islam ensıklopedıasynyń» İ, İİ, İİİ tomdary, «Babalar izimen: Qazaq dalasyndaǵy musylmandyq mektep», «Din men dástúr İİİ» eńbekteri jaryq kóredi. Atalǵan kitaptar dástúrli dinimizdi dáripteýde taptyrmas qural bolady dep senemiz. Áli de atqarar jumys kóp. Barsha azamatty ortaq maqsattardy birlese júzege asyrýǵa shaqyramyz", deıdi QMDB baspasóz qyzmeti.
Pikir qaldyrý