2024 jylǵy 1 qańtardan bastap Memleket basshysynyń tapsyrmasy boıynsha zıandy eńbek jaǵdaılarynda jumys isteıtin qyzmetkerlerdiń áleýmettik turǵyda qorǵalýyn arttyrý jónindegi júıeli sharalardy iske asyrý úshin Qazaqstanda arnaıy áleýmettik tólem engizildi.

Arnaıy tólemdi taǵaıyndaý úshin 55 jasqa tolýy jáne BJZQ-da keminde 7 jyl mindetti kásiptik zeınetaqy jarnalarynyń bolýy mindetti shart.

Búgingi tańda zıandy eńbek jaǵdaılarynda uzaq ýaqyt jumys istegen 9145 azamatqa 1,7 mlrd teńge somasyna arnaıy áleýmettik tólem taǵaıyndalǵan. Tólem 4 kózden – respýblıkalyq búdjetten, Biryńǵaı jınaqtaýshy zeınetaqy qorynan, jumys berýshiden jáne ómirdi saqtandyrý kompanıasynan júrgiziledi.

Arnaıy tólem taǵaıyndaýǵa ótinish bildirgenderdiń eń kóbi Qaraǵandy (1696 adam), Qostanaı (1180 adam), Shyǵys Qazaqstan (1132 adam), Pavlodar (1015 adam), Aqtóbe (599 adam), Aqmola (566 adam) jáne Abaı oblystarynda (505 adam) tirkeldi.

Arnaıy tólemniń ortasha mólsheri - shamamen 208 myń teńge. Qyzmetkerler jalaqyny da, arnaıy tólemdi de alýdy jalǵastyra otyryp, densaýlyqqa zıany az jumysqa aýysa alady, nemese olar zeınetaqy taǵaıyndalǵansha tólem ala otyryp, demalysqa shyǵa alady.

Arnaıy tólem zeınet jasyna deıin beriledi. Zeınetkerlikke shyqqannan keıin atalǵan adamdarǵa BJZQ-dan tólenetin tólemderge qosymsha memlekettik bazalyq jáne yntymaqty zeınetaqy taǵaıyndalatyn bolady.