Almaty qalasynyń prokýratýrasy 2019-2023 jyldarǵa ulttyq kınony qoldaýǵa bólingen búdjet qarajatyn ıgerý kezindegi zańdylyqtyń jaı-kúıine tekserý júrgizgenderin málimdedi.

Ulttyq fılmderdi qarjylandyrýdyń tıimsiz qarjylandyrylǵan faktileri anyqtalǵan, onda ulttyq kınony qarjylandyrýdyń ekonomıkalyq orynsyzdyǵymen baılanystyrylǵan.

«Mysaly, 2019-2021 jyldar kezeńinde «Vybor» kınofılmi ony túsirýdiń barlyq kezeńinde 500 mln teńge somasyna tolyq kólemde qarjylandyryldy. Alaıda memleket tolyqtaı qoldaǵanyna qaramastan, atalǵan fılm prokatqa sol kúıi shyqpady. Al «Kınematografıa týraly» Qazaqstan Respýblıkasy zańynyń 12-baby 1-tarmaǵyna sáıkes memlekettik qarjylyq qoldaý, ulttyq fılmderdi jáne soǵan baılanysty is-sharalardy shyǵarýdy, prokattaýdy jáne kórsetýdi uıymdastyrý, sondaı-aq ulttyq fılmderdi shetelde kórsetý úshin usynylady», – delingen habarlamada.