Vedomstvoaralyq komısıa reseılik kompanıanyń usynysyn Qazaqstan úshin ońtaıly dep sanady.

QR Atom energıasy agenttigi halyqaralyq sarapshylardyń qatysýymen Qazaqstandaǵy alǵashqy AES qurylysy úshin konsorsıým kóshbasshysyn anyqtaý jumysyn aıaqtady.

«Sońǵy tizimge qytaılyq CNNC, fransýzdyq EDF, ońtústik koreıalyq KHNP jáne reseılik «Rosatom» endi. Barlyq qatysýshylar boljamdy qunyn, merzimin, qarjylyq modelin, oqshaýlaý deńgeıin jáne qazmetkerlerdi daıarlaý boıynsha sharalardy qosa alǵanda, egjeı-tegjeıli usynystar berdi» dep jazylǵan vedomstvo habarlamasynda. 

Olardyń ishinde, Vedomstvoaralyq komısıanyń taldaýynan keıin, Qazaqstandaǵy AES qurylysyn salýǵa «Rosatom» kompanıasy laıyq dep tanyldy. Ekinshi oryndy qytaılyq kompanıa, úshinshi oryndy fransýz jáne koreı kompanıalary ıelendi.

Qazir Qazaqstan men «Rosatom» RF tarapynan eksporttyq qarjylandyrýdy tartý múmkindigin talqylaýda. Bılik sondaı-aq jobany iske asyrý úshin tıimdi konsorsıým qurý boıynsha basqa eldermen jumysyn jalǵastyratynyn atap ótti.