11 qańtar kúni keshke Maǵjan Jumabaev atyndaǵy aýdanǵa qarasty Maıbalyq aýylynda jeke turǵyn úıden órt shyqty. Bul týraly oblystyq tótenshe jaǵdaılar departamentiniń baspasóz qyzmeti habarlady.

Órt saldarynan úı tolyqtaı otqa oranyp, keıin túgeldeı qırap qalǵan.

Úı ıesiniń aıtýynsha, órt kezinde baspanada onyń jubaıy men eki kámeletke tolmaǵan balasy bolǵan.

Qutqarýshylar órtti sóndirý jáne úıindilerdi tazalaý barysynda er adamnyń jáne bir balanyń máıitin tapty. Ekinshi balany izdeý jumystary áli de jalǵasyp jatyr.

Oqıǵa ornyna departament basshylyǵy keldi. TJD psıhologtary úı ıesine psıhologıalyq qoldaý kórsetýde.

Qazirgi ýaqytta órt tolyq sóndirildi. Onyń shyǵý sebebi anyqtalýda. Órtti sóndirýge TJD-nyń 24 qyzmetkeri men 6 tehnıkasy, sondaı-aq «Agrofırma» JSHS-niń erikti órtke qarsy jasaǵy jumyldyryldy.