AQSH prezıdenti Donald Tramp Iranda úkimetke qarsy narazylyqtar úshinshi aptaǵa ulasqan tusta, AQSH áskeri «óte qatań áskerı nusqalardy» qarastyryp jatqanyn málimdedi.

Quqyq qorǵaý uıymdarynyń dereginshe, narazylyqtar barysynda júzdegen adam qaza tapqan.

Tramp Iran bıligi AQSH-pen kelissóz júrgizgisi keletinin aıtqanymen, «kezdesýden buryn áreket etýge týra kelýi múmkin» ekenin de joqqa shyǵarmady. AQSH sheneýnikteri prezıdentke Iranǵa yqtımal soqqylar boıynsha túrli senarıler usynylǵanyn rastady.

Iran bıligi narazylyq bildirýshilerdi «tártipsizdik jasaýshylar» dep atap, el ishinde úkimetti qoldaý sherýlerin ótkizýge shaqyrdy. Tegeran AQSH pen Izraıldi el ishindegi turaqsyzdyqty qozdyryp otyr dep aıyptady.

Sarapshylardyń aıtýynsha, Irandaǵy jaǵdaı el basshylyǵynyń legıtımdiligine tikeleı syn bolyp otyr jáne Taıaý Shyǵystaǵy geosaıası shıelenisti odan ári kúsheıtýi múmkin.