Ury ótken juma kúni Shymkenttegi kásipkerlerdiń biriniń úıine túsken. Úıde bolǵan úsh adam dene jaraqattaryn alǵan, - dep habarlaıdy «Qamshy» portaly Today.kz-ke silteme jasap.

Qylmysker kirgen sátte úıde kásipkerdiń kelinshegi, 11 jastaǵy qyzy men on segizdegi bir týysqany bolǵan. Pyshaqpen qarýlanǵan ury úıge kire salyp, kelinshekten aqsha men altyndardy shyǵarýdy talap etken. Biraq, úı ıesi oǵan kónbeı qarsylyq tanytqanda ury onyń keýde tusynan pyshaq salyp, ekinshi qabatqa kóterilgen. Ondaǵy qyzdarǵa da pyshaqpen shabýyl jasaǵan. Jaraqat alǵan áıel úıden qashyp shyǵyp, shý kótergen. Ury shý shyqqan soń, jasyrynyp úlgergen. Qylmyskerdiń úıge kirip-shyqqan sáti beınebaqylaý kameralaryna jazylyp qalǵan.

Japa shekkender aýrýhanaǵa jatqyzyldy. Kúdikti izdestirilýde.