Qazaqstanda adamnyń dene múshesin zańsyz satý oqıǵalary tirkelýde. Bul týraly «Qamshy» portaly «KTK» arnasyna silteme jasap habarlaıdy.

40 jastaǵy Almaty turǵyny qaryzǵa batyp, sodan qutylýdyń dene múshesin satýdan basqa jolyn tappaǵan. Internet arqyly satyp alýshy izdep, bir búıregin saýdaǵa salǵan.

İzdegen adamy Astanadan tabylǵan donor isti kóp sozbaı naýqas qyzy úshin búırek izdegen kelinshekke bir búıregin 4 mıllıon teńgege alyp beredi. Alaıda, satyp alýshy operasıa aıaqtalysymen teris qylyq tanytqan. Kelisilgen somany bergisi kelmegen ol kúnde «erteńmen» eseptesýden qashqan. Tipti, aqshasyn suraı bergen donordy aýrýhanadan shyqqan soń soqqyǵa jyqqan. Amaly quryǵan donor polısıaǵa shaǵymdanyp otyr. İshki ister organdary adamnyń dene múshelerin zańsyz saýdalaý oqıǵasy boıynsha tergeýdi bastap ta ketti.