Qaırat Nurtastyń ákesi Nurtas Aıdarbekov konsert bıletterin kórermenderge májbúrli túrde alǵyzǵan. Bul týraly "Qamshy" portaly Nur.kz-ke silteme jasaı otyryp habarlaıdy.

 Konsert 20-qazanda OQO, Saryaǵash aýdany Abaı qalasynda ótken. Atalmysh aýdanda muǵalim bolyp qyzmet atqaratyn Gúljan İztaıdyń aıtýynsha, Nurtas Aıdarbekovtiń konserti ótip ketkennen keıin bıletti ustazdarǵa májbúrlep satqyzǵan. Ol óz maqalasynda: «Osy janaıqaıǵa shara qoldanatyn kim bar?! Nege muǵalimder ótip ketken konserttiń bıletin alýǵa tıis? Nege mektepti tekserip kelgen komısıa músheleri muǵalimderdiń kózine kórinbeıdi? Nege oǵan aqsha jıyp beredi? Komısıa óz mindetin nege adalynan atqarmaıdy? Nege mektep basshylaryna ujymdary múlik (kitap, jýrnal, konsertke bılet, t.b. buıymdar) satyp alýy úshin aýdan ákimderi joǵarydan aýyzsha buıryq beredi? Osy bylyqtarǵa belsheden batyp otyrsa da nazar aýdarǵan kim bar?! Quzyrly organdar mektep jaǵdaıyn túzetý úshin basyn suǵyp kórdi me?!» -dep ashyna jazdy.

Aýyl mektepteriniń biri sanalatyn Saryaǵash aýdany №77 S.Seıfýllın atyndaǵy mektepke de osy bıletterdi ákelip ótkizýge tapsyrǵan.  Negizi ár bılettiń quny myń teńgeden bolypty.