Bul týraly QR Parlament Májilisindegi jol qozǵalysyna qatysty zańnamalardy talqylaǵan jıynda Qazaqstan kólik quraldaryn júrgizýshiler odaǵynyń tóraǵasy Talǵat Jańabaev málimdedi, - dep habarlaıdy «Qamshy» portaly.

"Avtomektepter júrgizýshiler kýáligin satady. Kýálikti týǵan kúnge syılaýǵa bolady. Bul bizdiń tájirıbede bar. Bireýler: "Mine, ulym 18 jasqa toldy, biz oǵan júrgizýshi kýáligimen birge avtokólik syılaǵymyz keledi deıdi. Mundaı tájirıbe bar. Ondaı tájirıbemen nege kúrespeımiz?"-degen qynjylysyn bildirdi odaq tóraǵasy. Onyń aıtýynsha, eldegi júrgizýshilerdiń on paıyzdaıy ǵana jol júrý erejesin biledi eken.

"Biz eksperıment jasap kórdik. Júz júrgizýshiniń 13-i ǵana jol qozǵalysy erejesin tapsyra aldy. Bul memlekettik másele. Keńes zamanynda adamdardan jylyna bir nemese eki ret tehmınımýmnan ótý talap etildi. Bul talaptar qazir joq. Sonymen qatar, zańnama túbegeıli ózgergen. Qazir  júrgizýshiler erejeni qasaqana buzbaıdy, sebebi olar erejeni bilmeıdi", - dedi QR Kólik quralyn júrgizýshiler odaǵynyń tóraǵasy.