Ár aıaldamany on mıllıonǵa salyp jatqan Astanadan soń, Qaraǵandyda qalys qalmaı, mıllıondarǵa jyly aıaldamalar ornatatyn boldy. Bul týraly «Qamshy» portaly 31.kz-ke silteme jasap habarlaıdy.

Qytymyr aıazdan qorǵaıdy degen eki aıaldamaǵa 18 mıllıon teńge jumsalmaq. Qaraǵandydaǵy vokzal qyzmetkerleri qystyń qyryq gradýs aıazynda jyly aıaldamalardy salýdy Eloradadan buryn oılaǵandaryn aıtady. Biraq qarjy tabylmaǵan soń, aqyry qurylysty  óz qarjylaryna  keshýildetip bastapty. Astana sheneýnikteriniń mıllıondap aqsha jumsap, bir aıǵa da jetpeı syr bergen aıaldamalarynan seskendi me, áıteýir qaraǵandylyq vokzal ókilderi ázirge ekeýin ǵana ornatpaq.

Qyrýar qarjy bólingen eki birdeı aıaldamanyń qurylysy osydan bir aı buryn bastalǵan. Nysandar qoldanysqa jyldyń sońyna deıin beriledi degen jospar bar. Vokzal basshylyǵy, «jabyq aıaldamalarda beınebaqylaý kameralary men wi-fi júıesin ornatamyz» deıdi. Tipti, sheneýnikterdiń kóp maqtaǵan elektrondy bıletteý qurylǵylary da qoıylmaq. Biraq qaraǵandylyqtar buǵan áli daıyn emes syńaıly. Kópshilik «Astanadaǵy jaǵdaı bizde de qaıtalanyp, qyrýar aqsha jelge usha ma dep» álden alańdap otyr.   

Serik Joldasbaı

Astana