Elbasy Nursultan Nazarbaevtyń Fransıaǵa sapary barysynda fransýz kompanıalarymen birqatar kelisimderge qol jetkizilmek. Bul týraly «Qamshy» portaly habarlaıdy.

Qazaqstan Respýblıkasy Prezıdentiniń Fransıaǵa resmı sapary aıasynda búgin osy eldiń isker qaýymdastyqtarymen kezdesý ótedi. Eki jaqty kezdesýde áriptetik qarym-qatynasty nyǵaıtýǵa baǵyttalǵan kelisimderge qol qoıylady.

«Búgin Elbasy N. Nazarbaevtyń qatyýymen isker qaýymdastyqtar ókilderimen kezdesý ótedi. Osyndaı Prezıdent sapary kezinde sheteldik kompanıalar tarapynan elimizge degen qyzyǵýshylyq arta túsedi. Munda bizdiń el tarapynan, atap aıtqanda, «Samuryq-Qazyna» ulttyq ál-aýqat qory men Fransıa kompanıalary arasynda áriptestik kelisimderi qarastyrylady. «Qazaqstan temir joly» AQ-y elektrovozdar qurastyrý, temirjol kólikteriniń qozǵalysyn basqarýdyń avtomatty qurylǵylaryn jasaý týraly, «Qazmunaıgaz» ulttyq kompanıasy munaı barlaý jumystary týraly, «KEGOK» elektr energıasyn tasymaldaý jumystaryna qatysty osyndaǵy áriptestermen túrli kelisim-sharttarǵa otyrady», - dedi jýrnalıserge kezdesý aldynda suhbat bergen «Samuryq-Qazyna» ulttyq ál-aýqat qorynyń basqarma tóraǵasy Ómirzaq Shókeev.

Búginde Qazaqstanda 130-dan astam fransýz kompanıalary jumys isteıdi. Olar el ekonomıkasyna 11 mıllıardqa jýyq ınvestısıa quıǵan.

Bilál Qýanysh

Parıj