Qazaqstandyq tanymal prodússer Táńirbergen Hajıev dúnıeden ozdy, - dep habarlaıdy «Qamshy» portaly Sh. Aımanov atyndaǵy «Qazaqfılm» AQ-nyń baspasóz qyzmetine silteme jasap.

«Qazaqfılm» baspasóz qyzmeti tanymal kınoprodússer, Qazaqstannyń eńbek sińirgen qaıratkeri, Qazaqstan kınomatografıster odaǵynyń múshesi, profesor Táńirbergen Ybyraıuly Hajıevtiń dúnıeden ozǵany týraly habar taratty.

Táńirbergen Hajıev 1950 jyly burynǵy Taldyqorǵan oblysy Jeńdik aýlynda dúnıege kelgen. 1976 jyly Almaty halyq sharýashylyǵy ınstıtýtyn támamdaǵannan soń, uzaq jyldar boıy otandyq kınoóndirisi salasynda qyzmet atqarǵan.

Ol 20-dan astam tolyq metrajdy kınokartınalardyń túsirilimine qatysqan. 1986 jylǵy Jeltoqsan oqıǵasy týraly «Allajar» derekti-kórkem fılminiń prodússeri boldy.