KASE-tiń tańǵy sesıasynda dollar baǵamy 307,53 teńgege jetti, - dep habarlaıdy «Qamshy» portaly Tengrinews.kz-ke silteme jasap.

6 qarashada alǵashqy saýda 302 teńgemen jasaldy. Bul eń tómengi baǵa boldy. Al, eń joǵarysy - 309,5 teńgege jetken.

Búgin dollar qazaqstandyq aqsha aıyrbastaý oryndarynda 300-311 teńge aralyǵynda satylyp jatyr. Sarapshylardyń pikirinshe, dollardyń qymbattaýy QR Ulttyq banki basshysynyń aýysýymen baılanysty.

Eske sala keteıik, Ulttyq banktiń jáne Ulttyq qordyń altynvalúta aktıvterin saqtaý maqsatynda Ulttyq bank 2015 jylǵy 5 qarashadan bastap óziniń valúta naryǵyna qatysýyn barynsha azaıtý týraly sheshim qabyldady. Teńgeniń aıyrbastaý baǵamynyń budan bylaıǵy qubylýy negizinen álemdik qarjy jáne taýar naryqtaryndaǵy baǵa ahýalynyń serpinimen aıqyndalatyn faktorlardyń áserinen qalyptasatyn bolady.