Taıaýda oblys ortalyǵynda kópqabatty turǵyn úı paıdalanýǵa berildi.
Qaladaǵy Sibir kóshesi 87 úı meken-jaıy boıynsha ornalasqan jańa úıden 108 otbasy páter alyp, qýanyshqa keneldi. Al, qýanyshqa kenelgen bul turǵyndar Turǵyn úı qurylys jınaq banki salymshylary bolyp tabylady. Qurylysy ótken jyldyń ortasynda bastalǵan turǵyn úı dál ýaqytynda berildi, úmit aqtaldy, dep otyr salymshylar. Iaǵnı, «Óńirlerdi damytýdyń 2020 jylǵa deıingi baǵdarlamasy» aıasynda «Qazaqstannyń turǵyn úı qurylys jınaq banki» AQ salymshylary men jalgerlik turǵyn úıge kezekte turǵan adamdar páter aldy. Páter kiltterin oblys ákimi Qanat Bozymbaev tabystady.
– Óńirde Elbasynyń qazaq­standyqtardyń ómir sapasyn art­tyrýǵa baǵyttalǵan saıasaty iske asyrylýda. Jyl sońyna deıin oblys ortalyǵyndaǵy Tolstoı kóshesi 96, Gagarın-Vorýshın kósheleriniń qıylystarynda ornalasqan taǵy eki úıdi paıdalanýǵa berýdi josparlap otyrmyz. Bul kezde qalanyń 144 turǵyny jańa páterlerge qol jet­kizedi, – dep atap ótti oblys ákimi.
Qonys toıyn toılaǵandardyń biri – Dáýitovter otbasy. Olar segiz jyl boıy jaldamaly páterde turypty. Búgin mine, jas otbasy jeke páterge ıe boldy.
– Endi qyzdarymyz Ádıa men Aızaranyń óz bólmeleri bar, – deıdi analary Aıgúl.
Bank basqarma tóraǵasynyń oryn­basary Erbol Qarashókeevtiń aı­tý­yn­sha, paıdalanýǵa berilgen bul úı óńirlerdi damytý baǵdar­la­ma­sy aıasynda júzege asýda. Iaǵnı, «Óńirlerdi damytýdyń 2020 jyl­­ǵa deıin­gi baǵdarlamasy» boıyn­sha turǵyn úı qurylysynyń birneshe ba­ǵyty iske asyrylýda. Olar kre­dıt­tik turǵyn úı, jergi­likti atqarý­shy organdar arqy­ly kezekte tur­ǵan turǵyndarǵa beri­letin jal­gerlik turǵyn úı, jas otba­sylarǵa arnalǵan jalgerlik úı, kom­mer­sıalyq turǵyn úı, «QIK» AQ arqyly beriletin turǵyn úı jáne jeke turǵyn úı qurylysy bo­lyp jalǵasa beredi. Sondyqtan Tur­ǵyn úı qurylys jınaq bankiniń de qosqan úlesi mol.

Derekkóz: egemen Qazaqstan