Keshe Prezıdent janyn­daǵy Ortalyq komýnıkasıalar qyzmetinde «Halyq markasy» halyqtyq daýys berý konkýrsynyń qory­tyn­dysyna baılanysty baspasóz máslıhaty ótti. Oǵan jobanyń jetekshisi Rımma Tájibaeva jáne baıqaýdyń bir­qatar jeńimpazdary qatysty.
Sońǵy kezderi elimizde «Qa­zaqstanda jasalǵan» aksıasy keńinen tanylyp, otandyq ónimge qoldaý kórsetý barynsha qolǵa alynǵany belgili. Osy aksıany qoldaý maqsatynda mamyr aıynda jalpyulttyq «Halyq markasy» baıqaýy bastalǵany týraly resmı túrde habarlanǵan bolatyn. Jobanyń negizgi maqsaty otandyq taýar óndirýshilerdiń múmkinshilikterin arttyrý, sonymen qatar, Qazaqstanda jasalǵan naqty taýar men qyzmet kórsetý barysynda jyl jeńimpazyn anyqtaýda olarǵa keshendi túrde baǵa berý bolyp tabylady. Endi mine, sol baıqaýdyń jeńim­pazdary da belgili boldy. Jeńimpazdardy árbir ataý boıynsha marapattaý sharasy Mılan qalasyndaǵy Qazaqstannyń «EKSPO-2015» Halyqaralyq kórmesindegi pavılonynda 21 qazan kúni «Búkilálemdik azyq-túlik kúni» aptalyǵy aıasynda ótti. Jeńimpazdar 30 atalym bo­ıynsha anyqtaldy. Olardyń ishin­de «Gazdalǵan sýsyn», «Shaı», «Kon­dıterlik taǵamdar», «Un», «Sút ónimderi» syndy bólimder bar.
«Halyq markasy» baıqaýy jobasynyń jetekshisi R.Tá­ji­baevanyń aıtýynsha, konkýrsqa 70-ten astam otandyq óndirýshi, 100-den astam marka ótinishterin berip qatysqan. Qazirgi tańda 27 kásiporyn baıqaý jeńimpazy. Aqtóbe, Ońtústik Qazaqstan jáne Almaty qalalary aımaqtarynyń azyq-túlik óndirýshileri óz sanattarynda eń úzdik bolǵan. Baı­qaý taqyryby «Mılan EKSPO-2015» Halyqaralyq kórme­siniń ta­qyrybymen ushtastyryl­ǵan­dyqtan, oǵan azyq-túlik taýarlaryn óndiretin otandyq kásiporyndar qatysty. Jeńimpazdardy mıl­lıonnan astam tutynýshylar onlaın rejimde daýys berý arqyly anyqtady. «Konkýrsqa qatysý arqyly, óńirlik kompanıalar óz ónimderiniń sapasynyń básekege saı ekenin dáleldep, tutynýshylar arasynda úlken senimge ıe bolary anyq. Al tutynýshy óz tańdaýynda senimdilikke jetedi», dedi R.Tájibaeva.
Uıymdastyrýshylardyń má­limdeýinshe, konkýrs jeńimpazdary «Halyq markasy» belgisin óz taýar oraýynda jarnama retinde eki jylǵa deıin qoldanýǵa múm­kin­shilik alǵan. Sondaı-aq, «Halyq markasy» konkýrsy jeńimpaz­darynyń ónimderi Astana qala­synda ótetin EKSPO-2017 kór­mesine usynylady.
Joba jetekshileri 2017 jyly elordada ótetin halyqaralyq kórme kezinde EKSPO-qalashyqta otandyq taýarlarǵa negizdelgen «Qazaqstanda jasalǵan» pavılo­nyn ashýdy da maqsat tutyp otyr. «Astana EKSPO-2017» kom­pa­nıasy «Halyq markasy» jeńim­pazdary úzdik brend ekenin eskere otyryp, olardy mindetti túrde nazarǵa alady degen oıdamyz. Biz olarǵa «Qazaqstanda jasal­ǵan» atty pavılondy ashýdy usyn­dyq. Qazirgi kezde osy másele talqylanýda. Eger de EKSPO-2017 kezinde osyndaı pavı­lon ashylyp jatsa, meniń oıym­sha, ony kórýge baratyn halyq­tyń sany kóp bolady», dedi R.Tájibaeva.

Derekkóz: Egemen Qazaqstan