Keshe Syrtqy ister mınıstri Erlan Ydyrysov Astanaǵa jumys saparymen kelgen AQSH-tyń Memlekettik hatshysy Djon Kerrımen kezdesti. Taraptar ekijaqty kelisimderdi iske asyrý boıynsha tájirıbelik qadamdardy keńinen talqylady.
Basqosý barysynda Qazaqstan men AQSH Prezıdentteriniń kezdesýlerinde, onyń ishinde BUU Bas Assambleıasynyń 70-shi sesıasynda Nursultan Nazarbaev pen Barak Obamanyń qatysýy sheńberinde qol jetkizilgen ýaǵdalastyqtarǵa erekshe nazar aýdaryldy. Sondaı-aq, olar ekijaqty, óńirlik jáne kópjaqty yntymaqtastyq bo­ıynsha keń aýqymdy máselelerdi talqylaı kelip, birlesken málimdeme qabyldady.
Erlan Ydyrysov pen Djon Kerrı basym baǵyttar boıynsha ekijaqty qatynastardy ny­ǵaı­týdyń mańyzdy jáne tabys­ty tetigine aınalǵan Stra­tegıalyq áriptestik jónindegi komıs­­sıa­sy­nyń qyzmetin joǵary baǵalady.
Buǵan qosa, Qazaq­stan­nyń Dú­nıe­júzilik saýda uıymyna kirýi aıasynda saýda-ekonomıkalyq jáne ınvestısıalyq yntymaqtastyq aýqymyn ulǵaıtý, «100 naqty qadam» Ult josparyn iske asyrýda járdemdesý, dástúrli jáne bala­ma energetıka salasyndaǵy árip­testiktiń keleshegi jónindegi máse­leler jan-jaqty sóz boldy. So­nymen birge, syrtqy saıasat ve­domstvolarynyń basshy­lary ǵylymı-tehnıkalyq sala men bilim berýdegi ynty­maq­tastyqty nyǵaıtý jáne kelisimdik-quqyqtyq baza men vı­zalyq rejimdi jeńildetýge baılanysty jumysty jandandyrý boıynsha kelisimge keldi.
AQSH-tyń Memlekettik hatshysy jahandyq klımattyq óz­ge­rister máselesine óz múdde­liligin eskere otyryp, Qazaq­stan­nyń aldaǵy bolatyn mamandan­dyrylǵan EKSPO-2017 kórmesine qatysý týraly AQSH-qa jibergen shaqyrtýyn quptaıtyndyǵyn atap ótti. Osy oraıda, ol EKSPO-2017 kórmesine qatysýdy amerıkalyq tarap aldaǵy ýaqytta resmı túrde rastaıtynyn málimdedi. Budan bólek, Djon Kerrı kórme aýmaǵynda BUU-nyń janyndaǵy Jasyl tehnologıalardy damytý ortalyǵyn qurý týraly Nursultan Nazarbaevtyń bastamasyn joǵary baǵalaıtynyn jetkizdi.
Kezdesý sátinde halyqaralyq jáne óńirlik máselelerge basa kóńil aýdaryldy. Djon Kerrı, ásirese, ıadrolyq qarýsyzdaný jáne taratpaý salasyndaǵy Qa­zaq­stannyń rólin erekshe atap kór­setti. AQSH ókiliniń aıtýyn­sha, bıylǵy tamyz aıynda MAGATE-niń Tómen baıytylǵan ýran bankin iske qosý, sondaı-aq, Iran ıadrolyq baǵdarlamasy boıynsha kelissózderdiń eki kezeńi úshin alańsha usyný Qazaqstan­nyń naqty úlesi.
Kezdesýde óńirlik qaýipsizdik pen turaqtylyqtyń birqatar ózekti máseleleri boıynsha da senimdi pikir almasý boldy. Atap aıtqanda, taraptar terorızm men zorlyqshyl ekstremızmge qarsy kúres sheńberindegi ózara áreket jóninde, Ortalyq Azıa elderiniń óńirlik yqpaldastyǵy týraly jáne Aýǵanstan men óńirdegi ózge de elderde qalyptasqan jaǵdaılar turǵysynda óz oılaryn ashyq bildirdi.
Taǵy bir aıta keter jaıt, kezdesý barysynda jýyr­da AQSH-ta ótken aýyl sharýa­shy­ly­ǵy kórmesinde Djon Kerrıdiń qazaq­standyq alma týraly sóz qoz­ǵaýyna baılanysty eki el ara­syndaǵy jemisti yntymaq­tas­tyqtyń jáne ony odan ári damytý áleýetiniń sımvoly retinde ataqty aport almasynyń tanys­tyrylymy ótkizildi.
Qoryta aıtqanda, E.Ydyrysov pen Dj.Kerrıdiń kezdesýi barysynda taraptar Qazaqstan-AQSH yntymaqtastyǵynyń ózekti máselelerin neǵurlym tıanaqty taldap, eki el Prezıdentteriniń kelisimderin iske asyrý aıasynda ekijaqty jáne kópjaqty pishimdegi strategıalyq áriptestik aýqymyn keleshekte keńeıtý baǵytyndaǵy naqty qadamdardy pysyqtady.

Derekkóz: Egemen Qazaqstan