Qazaqstanda eńbekaqy tóleýdiń jańa júıesi engizilmek. Bul týraly «Qamshy» portaly «31 arnaǵa» silteme jasap habarlaıdy.
Almatyǵa issaparmen arnaıy kelgen mınıstr Tamara Dúısenova jańa Eńbek kodeksi men "Densaýlyq" memlekettik baǵdarlamasy jaıly túsinikteme berdi. Eńbek kodeksi men densaýlyq saqtaýdy damytýdyń jańa baǵdarlamasyn Tamara Dúısenova tapjylmaı bir saǵat baıandady. Endi azamattyq qyzmetkerler 4 sanatqa bólinip, jalaqylary saralanyp, sala boıynsha 28, 29, 40 paıyzǵa deıin arttyrylady. Al 2016-2019 jyldarǵa arnalǵan "Densaýlyq" baǵdarlamasynda aýrýhanalar men klınıkalar qyzmetin jeke qoldarǵa berý týraly pikirler aıtylǵan bolatyn.
Sondaı-aq, shet elden qyrýar qarjyǵa tehnologıa satyp alýdy da azaıtamyz dedi mınıstr. Al, 2017 jyldan bastap mindetti áleýmettik-medısınalyq saqtandyrý iske qosylmaq. 273 mıllıard teńge bólingen baǵdarlamada alǵashqy medısınalyq kómek ulǵaıtylyp, jedel-járdem qyzmetin memleket tolyq qarjylandyrmaq.
Bir qyzyǵy oǵan keıbir oqý orny basshylary osy josparlardy oryndaǵansha mınıstrlik kreslosynan túspeńiz degen tilek aıtty. Medısına ýnıversıtetiniń rektory qolǵa alǵan isti aıaqtaý úshin mınıstrge endi 5 jyldaı bul qyzmetten ketpeýin tilep, jurtty dý kúldirdi. Artynsha basshylardyń aýysýy, baǵdarlamanyń júzege asyrylýyn kesheýildetedi dep sózin jýyp-shaıdy
– Ony aıtqanym, ózderińiz qarasańyzdar mınıstrler ózgergen saıyn reformanyń eń birinshi qalpy qalmaıdy. Keıbir mınıstr prırıtetti basqa kóredi degen sıaqty ǵoı, – deıdi S.Asfendıarov atyndaǵy QazUMÝ rektory Aıqan Aqanov.
Mınıstrlik 2020 jylǵa qaraı el turǵyndarynyń ómir súrý uzaqtyǵyn 73 jasqa jetkizýdi kózdeıdi. Alaıda kóptiń kókeıindegi saýal 2016 jylǵa dári baǵasyn turaqtandyrý týraly kelisim áli jasalmapty.
