Keshe Astanadaǵy memlekettik qyzmet salasyndaǵy óńirlik hab, Ekonomıkalyq yntymaqtastyq jáne damý uıymy (EYDU), sondaı-aq, elimizdiń Ulttyq ekonomıka mınıstrligi birlese otyryp, «Nazarbaev Ýnıversıtettiń» Joǵary memlekettik saıasat mektebi jáne BUU Damý baǵdarlamasynyń qoldaýymen «Memlekettik qyzmettiń derbestigi» taqyrybynda semınar ótkizdi. İs-sharaǵa elimizdiń memlekettik organdarynyń jaýapty hatshylary men oblys ákimdikteriniń apparat basshylary qatysty.

Semınar bes ınstıtýttyq reformany iske asyrýǵa baǵyttalǵan «100 naqty qadam» Ult josparynda kórsetilgen zamanaýı, kásibı jáne avtonomdy memlekettik apparatty qalyptastyrýdy iske asyrý, sonymen qatar, Memleket basshysynyń elimizdiń barlyq salasynda EYDU qaǵıdalary men standarttaryn engizý týraly tapsyrmasy aıasynda ótkizildi. Onyń maqsaty – avtonomdy memlekettik apparatty qalyptastyrý boıynsha EYDU elderiniń, atap aıtqanda, saıası jáne ákimshilik memlekettik qyzmetshiler arasynda ýákilettilikterdi ajyratý tájirıbesin zerdeleý jáne avtonomdy ákimshilik memlekettik apparatty qalyptastyrý boıynsha tájirıbe almasý úshin EYDU-ǵa múshe elder men Qazaqstannyń osy saladaǵy jumysyn talqylaý.

Semınardy ashqan Astanadaǵy mem­lekettik qyzmet salasyndaǵy óńir­lik habtyń basqarýshy komı­tetiniń tóraǵasy Álıhan Baımenov memlekettik qyzmet deńgeıin art­tyrý, ony zamanǵa saı damy­typ otyrý kerektigin aıtty. «Árı­ne, memlekettik qyzmettiń damýy qo­ǵamdaǵy qalyptasqan dástúr­ler­ge de, mádenıetke de baılanysty. Degenmen, Abaı atamyzdyń «dástúrdiń ozyǵy bar, tozyǵy bar» degenindeı, biz mem­le­ket­tik qyz­metti jetildirgende, eski dás­­túr­­lerdiń keıbirinen arylyp, qo­ǵamdy alǵa jyljytatyn ja­ńa te­tikterdi engize bergenimiz jón. Se­bebi, bizdiń túpki maqsa­tymyz – eldiń ál-aýqatyn kó­terý. Alaıda, biz bul saladaǵy sheteldik ozyq tájirıbelerdi aınyt­paı kóshir­meýimiz kerek, tek zerdelep, ózimizge qajetti jaqtaryn alǵanymyz abzal», – dedi ol.

Osydan keıin sóz alǵan BUU Damý baǵdarlamasynyń Qazaq­standaǵy tu­raq­ty ókiliniń orynbasary Mýnhtýıa Altangerel, EYDU Memlekettik sek­tordy reformalaý basqarmasynyń basshysy Edvın Laý jáne «Nazar­baev Ýnıversıtettiń» prezı­den­ti Shıgoe Katsý semınar taqy­ry­bynyń mańyz­dylyǵy men ózek­tiligin atap ótti.

Sonymen qatar, Nıderland joǵary memlekettik qyzmetiniń burynǵy bas dırektory Ian Vıllem Vek óz elindegi joǵary memlekettik qyzmettiń jetistikteri týraly óz oıyn ortaǵa saldy. Al Chılıdiń joǵary ákimshilik memlekettik qyzmetiniń tehnıkalyq hatshysy, Chılı Senaty zań shyǵarýshy keńesiniń burynǵy múshesi Marıana Djorjd-Nasımento elindegi basqarýshy memlekettik korpýsty qalyptastyrý úrdisi jáne memlekettik qyzmet júıe­sindegi saıası-ákimshilik tepe-teńdikti qam­tamasyz etý tájirıbesi týraly tusaý­keser ótkizdi.

EYDU Memlekettik sektordy reformalaý basqarmasynyń basshysy Edvın Laý, sondaı-aq, EYDU joba menedjeri Danıel Gerson derbes memlekettik apparatty qurýdaǵy EYDU elderiniń tájirıbelerimen bólisti.

Derekkóz: Egemen Qazaqstan